15.01.2022 | 16:00

Саҥа дьыл үөрүүтэ — бэлэх тутуута

Саҥа дьыл үөрүүтэ — бэлэх тутуута
Ааптар: Айталина Софронова
Бөлөххө киир

Саҥа дьыллааҕы бырааһынньыктар – бу кэрэ, остуоруйалаах кэм. Сыл бүтүүтэ ама хайа киһи баҕа санаата туоларын күүппэт-кэтэспэт буолуой?!

 

Тиийэн кэллэ Саҥа дьыл,

Сахам сирин үрдүнэн,

Үтүө истиҥ сонуннардаах,

Бары дьоҥҥо кэһиилэрдээх.

Ил Дархан Айсен Николаев «Елка добра» аахсыйаҕа алтыс төгүлүн кыттар. Быйыл өрөспүүбүлүкэбит баһылыга "Берегиня" оҕо дьиэтин иитиллээччилэрин баҕа санааларын толордо. Ол курдук, Семен, Данил, Максим уонна Майя Пилюткиннар Ил Дархантан анал өйдөбүнньүк бэлэхтэри туттулар. Сэттэ саастаах Семеҥҥа радиоуправлениялаах массыына, тоҕустаах Данилга уонна Максимҥа «Lego» конструктор уонна кырачаан кыыска эһэ миискэ оонньууру бэлэхтээтэ. Санатан эттэххэ, аахсыйа 2015 сылтан ыытыллар.  Сыала-соруга –коррекционнай оскуолалар, доруобуйаларынан хааччахтаах  уонна оҕо дьиэлэрин иитиллээччилэрин баҕа санааларын толоруу.

 

Дьокуускай куорат саҥа баһылыга Евгений Григорьев бу аахсыйаҕа эмиэ кытынна. Кини талан ылбыт открыткатыгар убайдыы-бырааттыы Эрэл уонна Эркин, эдьиийдии-балыстыы Наташа уонна Лена диэн оҕолор түбэспиттэр. Уоллаттарга «Lego»  конструктордары, оттон кыргыттарга сымнаҕас оонньуурдары туттарда

 

Мииринэй оройуонугар түөрт оҕо күүтүүлээх бэлэхтэрин – оройуон уонна муниципальнай тэриллии дьаһалтатын үлэһиттэрэ мунньубут үптэринэн ылбыт сыаналаах гаджеттары туттулар. Олортон биирдэстэрэ – 10 саастаах Тимур. Кытаанах ыарыы баарын да үрдүнэн, Тимур үөрэххэ элбэх сыратын уурар, ааҕар, суруйар, суоттуур

 

Хаҥалас оройуонугар кыаммат уонна элбэх оҕолоох ыалларга «Генерация» хампаанньа бэрэссэдээтэлэ Артём Яковлев кыаммат уонна элбэх оҕолоох ыаллар оҕолоругар 18 ноутбугу туттарда. «Биир дойдулаахтарбыт, араас салааларга үтүө суобастаахтык үлэлии сылдьар дьоммут төрөөбүт оройуоннарын умнубаттар, сайдыытыгар тугунан да кэмнэммэт кылааты киллэрэллэр», — диэтэ оройуон салайааччыта Олег Иринеев

 

Арассыыйа ЫБММ регионнааҕы салаатын структурнай подразделениеларын үлэһиттэрэ Дьокуускайга 150-тан тахса оҕоҕо бэлэх туттардылар

 

Саха Өрөспүүбүлүкэтин  доруобуйа харыстабылын миниистирэ Лена Афанасьева киин куорат 6-с кылааһын үөрэнээччитэ Сергей Лычагин баҕа санаатын толордо, киниэхэ бэртээхэй остуол оонньуутун бэлэхтээтэ

 

Владимир Путин уонна Айсен Николаев бэлэхтэрин Ньурба оскуолатын выпускницата Милена Степанова ылла. Милена ахсынньы 8 күнүгэр Арассыыйа Бэрэсидьиэнигэр суругар 7 уонна 5 саастаах бырааттарыгар саҥа суотабай төлөпүөннэри уонна бэйэтигэр үөрэҕэр туһанарыгар ноутбукка наадыйарын туһунан баҕа санаатын үллэстибитэ. Милена элбэх оҕолоох ыал оҕото, ийэтэ атыыһыт, аҕата ОДьКХ үлэһитэ буоланнар, оҕолоругар сыаналаах малы-салы атыылаһар кыахтара суоҕа биллэр. Туйгуннук үөрэнэр, кыһыл көмүс мэтээлгэ барар, оскуола уопсастыбаннай олоҕор көхтөөхтүк кыттар Милена баҕа санаата туолбутунан «Киин куорат» хаһыат аатыттан эҕэрдэлиибит

 

Дьокуускай куорат олохтоохторо ыарахан үлэлээх дьоҥҥо махтаналлара сиэрдээх. Ол курдук, ахсынньы 23 күнүгэр Дьокуускай куорат Якутская уул., 2/17 дьиэтин олбуорун ыраастыыр, хомуйар кэргэннии дьоҥҥо бэлэх оҥордулар. Олохтоохтор цифровой техника маҕаһыыныгар 15 тыһыынча солкуобайдаах сертификаты уонна минньигэс бэлэхтэри туттардылар

 

Куораппыт 203-с оройуонун олохтоохторо бэйэлэрин үтүө үгэстэрин быйыл даҕаны салҕаатылар. Дьиэлэр ыраас уонна бэрээдэктээх буоллуннар диэн үлэһиттэрин истиҥник эҕэрдэлээтилэр

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...
Көмө мүнүүтэ да тохтообот
Дьон | 03.02.2023 | 12:00
Көмө мүнүүтэ да тохтообот
Аҕа дойду Улуу сэриитин кэмигэр Саха сирин дьоно-сэргэтэ төһө да тыһыынчанан килэмиэтиринэн ыраах олордоллор, өйдөрө-санаалара Кыайыы эрэ туһугар сытара. Биир дойдулаахтарбыт харчынан, облигациянан, үрүҥ көмүһүнэн, кыһыл көмүһүнэн, балыгынан, күндү түүлээҕинэн о.д.а. көмөнү хара көлөһүннэрин тоҕон туран фроҥҥа ыыппыттара. Ийэлэрбит, эбэлэрбит ыарахан үлэлэрин быыһыгар төһөлөөх кээнчэни, үтүлүгү тигэн ыыппыттарай! Дэлэҕэ сэрии...