18.07.2022 | 12:42

Сөтүөһүттэр, сэрэхтээх буолуҥ!

Куйааска киһи үксэ сөрүүн уу кытылагар талаһар. Сөрүүкээн сынньанаары үгүстэр сэрэхтэрин сүтэрэллэр.
Сөтүөһүттэр, сэрэхтээх буолуҥ!
Ааптар: Киин Куорат

Ааспыт өрөбүлгэ Саха сиригэр 4 киһи тыына ууга былдьанна. Суорума суоллаах иэдээннэр бары анала суох сөтүөлүүр сирдэргэ таҕыстылар диэн СӨ Быыһыыр сулууспата иһитиннэрдэ. Хомойуох иһин, суорума суолламмыт дьон үгүстэрэ аһыы утах амсайан баран сөтүөлүү киирбиттэрэ бэлиэтэнэр.

СӨ Быыһыыр сулууспата уу эбийиэктэригэр сэрэтэр эриэйдэлэри ыытар, сынньанааччыларга памяткалары тарҕатар. Ууга эһиги олоххутун ким да харыстаабат, иэдээн тахсыа суоҕа диэн ким да мэктиэлиир кыаҕа суох диэн сэрэтэллэр.

Маны таһынан, билигин Өлүөнэ уонна Өлүөхүмэ эбэлэр элбэх сөҥүү түһэн ууларын таһыма аһара тахсан турар. Ол иһин уу температурата төһө эмэ намыһах, онон “дьиикэй"    пляжтарга сөтүлүүр киһи олоҕор кутталлаах.

Арыгылаан баран хаһан да сөтүөлээбэт буолуҥ! Испит киһи сэрэҕин сүтэрэр, хамсаныыта мөлтүүр, тулалыыр эйгэтигэр сатаан салайыммат. Куйааска салгыҥҥа уонна ууга температуралар араастаһыыларыгар, тымныы ууга киирэн баран иҥиирэ түүрэ тардыан сөп.

- Кытылтан ыраах харбаан барымаҥ, бэйэҕит кыаххытын билинэн сылдьыҥ. Сөтүөлүү сылдьан титириэххитигэр дылы ууга сылдьымаҥ – былчыҥнар күүрэн, тартарыаххытын сөп.

- Уу көлөлөрүгэр устан тиийимэҥ.

- Үрдүк кытылтан ууга умсумаҥ. Уу анныгар туох баара биллибэт – эчэйиини ылыаххытын сөп.

- Уу көлөтүн сүүрдээччилэр, балыксыттар быыһыыр сэлиэччиктэргитин ыларгатын умнумаҥ! Оҥочоҕо баар хас биирдии киһиэхэ быыһыыр сэлиэччик тиксиэхтээх. Сэлиэччиги кэтэн баран хатааһынын барытын хатыахтааххыт. Көрүнньэҥ эрэ гына кэтиллибит сэлиэччик киһи ууга түстэҕинэ ньылбырыс гынан хаалара дөбөҥ.

Оҕолор төрөппүт хонтуруола суох ууга сөтүөлүө суохтаахтар.

Суһал сулууспа биир кэлим нүөмэрэ: 112

Быыһыыр сулууспа оперативнай дьуһуурунайа :  (4112) 45-90-19. 

Сонуннар

Ордук ааҕаллар

Николай Винокуров:  «Дойдубар этэҥҥэ эргиллэн кэллим...»
Дьон | 19.11.2022 | 18:00
Николай Винокуров: «Дойдубар этэҥҥэ эргиллэн кэллим...»
«Боотур» этэрээт байыастарын ортотугар биһиги биир дойдулаахпыт Алаһыай нэһилиэгиттэн төрүттээх Николай Винокуров баарын истэн, кэпсэтиэхпин баҕардым. Ол эрэн сэһэргэһиибин хайдах-туох саҕалыахпын тобуларбар олус ыарахан этэ. Бу үлэ, үөрэх, сайдыы, тэрээһин туһунан суруйуу, кэпсэтии буолбатах... Бу — олох, дьылҕа, тыын былдьаһыы, өлүү-сүтүү, инники олох иһин охсуһуу туһунан сэһэргэһии. Николай тута хоруйдаабытыгар...
Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Элэгэнтэй Адамов:  «Сиэрдээх өй-санаа төрүт дьарыкка эрэ баар»
Дьон | 20.11.2022 | 11:00
Элэгэнтэй Адамов: «Сиэрдээх өй-санаа төрүт дьарыкка эрэ баар»
Бүгүҥҥү нүөмэргэ Чурапчы улууһун Чакыр нэһилиэгин олохтооҕо Элэгэнтэй Адамовы кытта тыа сирин олоҕун, итэҕэл, уус идэтин, сайдыы, норуот дьылҕатын, кэскилин туһунан сэһэргэстибит. Дьоҕурдаах киһи анаарыыта киэҥэ, этэр тыла оруннааҕа сөхтөрдө.