16.11.2023 | 15:00

Сүрэх-тымыр киинигэр телемедицина ситиһиилээхтик үлэлиир

Сүрэх-тымыр киинигэр телемедицина ситиһиилээхтик үлэлиир
Ааптар: Киин Куорат
Бөлөххө киир

Сүрэх-тымыр киинин баазатыгар үлэлиир Биир кэлим  дистанционнай консультациялыыр киин төгүрүк суукканан, телемедицина көмөтүнэн сүбэлэри биэрэр, виртуальнай көрүҥүнэн ыарыһахтары көрөр-истэр диэн Өрөспүүбүлүкэ баһылыгын уонна бырабыыталыстыбатын пресс-сулууспата иһитиннэрдэ.

Ил Дархан Айсен Николаев бэлиэтээбитинэн, Сүрэх-тымыр киинэ бэйэтин хайысхатынан үрдүк технологиялаах медицинскэй көмөнү оҥорор.  Тиһиктээх үлэ түмүгүнэн сыл иһигэр сүрэх-тымыр ыарыыларыттан өлүү 9,6% намтаата. Итиннэ улахан кылаатын Биир кэлим  дистанционнай консультациялыыр киин киллэрэр.

Сүрэх-тымыр киинин дириэктэрэ Күндүл Иванов иһитиннэрбитинэн, 2022 сыл ыам ыйыттан 2023 сыл сэтинньи ыйыгар диэри телемедицина көмөтүнэн 5 275 сүбэ бэрилиннэ, итинтэн 883-һэ – сылдьарга эрэйдээх арктическай оройуоннарга. Консультация түмүгүнэн 1 827 ыарыһах Сүрэх-тымыр киинигэр эмтэнэ киирэргэ ыҥырылынна. «Кардиология» уонна «неврология» хайысхаларынан 914 «онлайн-обход» оҥоһулунна.

Биир кэлим  дистанционнай консультациялыыр киин ыраахтан «телеметрияны» ыытар: «холтер» аппараатынан, итиэннэ хаан баттааһынын төгүрүк суукканан кэтээн көрүүнү,  Теле-ЭКГ-ны.

Күндүл Иванов эппитинэн, бүгүҥҥү күҥҥэ региоҥҥа 14 тыһыынчаттан тахса Теле-ЭКГ баар. «Доруобуйа харыстабыла» национальнай бырайыак чэрчитинэн, оройуон балыыһаларыгар телеэлектрокардиографтар туруоруллубуттар. Кинилэр көмөлөрүнэн суруллубут дааннайдар Сүрэх-тымыр киинин биир кэлим ситимигэр онлайн көрүҥүнэн киирэллэр.

Дистанционнай консультациялары федеральнай баазаларыгар анал үөрэҕи ааспыт үрдүк квалификациялаах исписэлиистэр – кардиологтар, неврологтар уонна сүрэх-тымыр хирургтара ыыталлар.

 

Сонуннар

Ордук ааҕаллар

Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Арыгы атыытын бобуутун полиция үлэһиттэрэ хонтуруоллуохтара
Сонуннар | 08.06.2024 | 11:51
Арыгы атыытын бобуутун полиция үлэһиттэрэ хонтуруоллуохтара
Куорат баһылыга Евгений Григорьев дьаһалынан VIII-с «Азия оҕолоро» Оонньуулар ыытыллар кэмнэригэр бэс ыйын 25 күнүттэн  от ыйын 8 күнүгэр диэри Дьокуускай куоракка арыгылаах утах атыыта бобуллар. Ол эбэтэр бу күннэргэ арыгылаах утах атыытыгар идэтийэр эргиэн туочукалара сабыллаллар, атын маҕаһыыннарга арыгы атыылыыр отделлар үлэлээбэттэр.  Бу хаарчах арыгынан эргинэр кафе, ресторан, бар...
“Сүүрэр суолга – Владимир Слепцов!”
Спорт | 18.06.2024 | 14:15
“Сүүрэр суолга – Владимир Слепцов!”
Спорт көрүҥнэриттэн биир бастыҥнара уһун сиргэ сүүрүү. Ырааҕы сүүрүүнэн ылбычча киһи дьарыктаммат. Бэйэтин кэмин аатырбыт сүүрүгэ-быһыйа, Саха АССР рекордсмена, стайер уонна марафонец Владимир Слепцову ааспыт үйэ 60-80 сылларын дьоно үчүгэйдик өйдүүр-билэр. Быйыл рекорд олохтообута лоп-курдук 50 сыла. Аҕаларын, эһэлэрин кэриэстээннэр оҕолоро, сиэннэрэ, бииргэ төрөөбүт балта  Людмила Пантелеймоновна, быраата Артем Пантелеймонович...
ЭкоБизнес —  Айылҕаҕа харыстабыллаах  сыһыаҥҥа тирэҕирэн
Дьон | 14.06.2024 | 14:00
ЭкоБизнес — Айылҕаҕа харыстабыллаах сыһыаҥҥа тирэҕирэн
Дьокуускайга бизнес араас хайысхата сайдар. Олохтоох бородууксуйаны оҥорон атыыга таһаарыы ордук элбэх эбит буоллаҕына, туризм курдук өҥөнү оҥорор предпринимателлэр тарбахха баттаналлар. Юлиана уонна Захар Алексеевтар элбэх оҕолоох дьиэ кэргэн Дьокуускай таһынааҕы Капитоновка сэлиэнньэтигэр туристическай бизнеһи сайыннаран эрэллэр.   Оҕолор улааттылар диэн саҕалаабыппыт – Биһиги үс уоллаахпыт. Улахаттарбыт 14 саастарын туолбуттарын кэннэ,...