12.08.2021 | 18:20

Сүрүн сыал – уоту куорат территориятыгар чугаһаппат буолуу

Сүрүн сыал – уоту куорат территориятыгар чугаһаппат буолуу
Ааптар: Киин Куорат

Билиҥҥи туругунан, куорат территориятыгар уонна Нам, Горнай улуустар кыраныыссаларыгар, куораттан 60 км сиргэ ойуур баһаара баар. Онтон саамай чугас нэһилиэнньэлээх пуун – Маҥан сэлиэнньэтэ. Суһаллык уоту баҕа өттүнэн умуруорааччылар этэрээттэрэ тэриллибит. Ол туһунан куорат баһылыга Евгений Григорьев иһитиннэрэр. 
«Баһаар булуллаатын кытта суһаллык уокуруктааҕы дьаһалта уонна биэдэмэстибэлээх тэрилтэлэрбит үлэһиттэриттэн састааптаах баҕа өттүнэн умуруорааччылар этэрээттэрин тэрийдибит. Маҥан олохтоохторун кытта миэстэтигэр тиийдибит», — диэтэ Евгений Григорьев.
Кини бүгүн лааҕыр олохтоон, уоту киллэрбэт курдук үлэ күүскэ ыытылларын туһунан эттэ. Итиннэ барыта 45 киһи, 5 тиэхиньикэ – үс тыраахтар, икки уу таһар тиэхиньикэ. Баһаары кытта охсуһааччылар ранецтарынан, респиратордарынан уонна бары наадалаах тэриллэринэн хааччыллыбыттар. 
Куорат баһылыга бэлиэтээбитинэн, уоту 60 км сиртэн бэтэрээ киллэрэр сатаммат, итиннэ чугас дьиэлэр, даачалар, оттуур ходуһалар бааллар. 
«Буруо тарҕанан, халлаан арыый ырааһырдаҕына уу кутар тэриллээх МИ-8 бөртөлүөт көмөҕө кэлэргэ бэлэм», — диир Григорьев.
Баһылык Дьокуускайга бүгүн Нам улууһун өттүттэн буруо кэлбитин, бу күннэргэ тыал хайысхата уларыйыар диэри син-биир буруолаах буолуоҕун туһунан эттэ. 
«Хомойуох иһин, нуорма хас да төгүл үрдээн турар. Ол иһин, өрөспүүбүлүкэ баһылыгын быһаарыытынан, бүгүн Уокуруктааҕы дьаһалта үлэтин күнүн кылгаттыбыт. Сарсын сатанар буоллаҕына, структурнай салааларбыт уонна биэдэмэстибэлээх тэрилтэлэрбит үлэһиттэрэ үлэлэригэр кэлбэккэ, дистанционнай көрүҥүнэн үлэлииллэрин курдук эттим. Салайар састаап урукку курдук үлэлиир», — диэн бэлиэтээтэ баһылык.
Евгений Григорьев олохтоохтору уулуссаҕа тахсаталларын аҕыйаталларыгар ыҥырда.

Сонуннар

Ордук ааҕаллар

Валентина Колодезникова-Айыына:  Киһи баҕарыах эрэ тустаах
Дьон | 04.08.2022 | 10:00
Валентина Колодезникова-Айыына: Киһи баҕарыах эрэ тустаах
Бүгүҥҥү нүөмэрбитигэр мас ууһа Валентина Колодезникова--Айыынаны кытта кэпсэтэбит. Валентина-Айыына уустар түөлбэлээн үөскээбит Баайаҕа нэһилиэгиттэн төрүттээх. Тутуу биригээдэтин салайааччыта. Дьоҕурун сөпкө туһаммыт уонна киэҥ эйгэҕэ таһаарбыт уус.
Үөрүүлээх түгэни - дьоһун көстүүлээх
Сонуннар | 05.08.2022 | 10:51
Үөрүүлээх түгэни - дьоһун көстүүлээх
Үөрэх дьыла чугаһаабытынан, бэйэбит үөрүүбүтүн үллэстэргэ сананныбыт. Ол курдук, быйыл Кэбээйи улууһун Мукучу нэһилиэгэр улахан оскуола дьиэтэ тутуллубута 90 сылын кэлэктиип туох эрэ ураты көстүүлээх көрсүөхтээх диэн быһаарыы ылынан, саҥа сахалыы истииллээх таҥас сакаастаан тиктэрбиппит. 
Минньигэстик аһааҥ
Тускар туһан | 05.08.2022 | 10:00
Минньигэстик аһааҥ
Сибиэһэй оҕуруот аһа дэлэгэй эрдэҕинэ, боростуой, минньигэс уонна битэмииннээх салааттарда астанан хаалыаҕыҥ.
Бэлисипиэт спордун күнэ тэриллиэҕэ
Куорат олоҕо | 05.08.2022 | 16:00
Бэлисипиэт спордун күнэ тэриллиэҕэ
Дьокуускайга бэлисипиэт спордун тарҕатааччылар түмсүүлэрэ таһаарыылаахтык үлэлээн эрэр. Аҕыйах хонуктааҕыта кинилэр куорат баһылыга Евгений Григорьевы кытта куоракка Бэлисипиэт спордун күнүн ыытарга сүбэлэстилэр.