Сүрүн сорук – хаарбах дьиэлэртэн көһөрүү

Куорат салалтата хаарбах туруктаах уонна сууллар кутталлаах дьиэлэртэн олохтоохтору көһөрүүгэ үгүс үлэни ыытар былааннаах. Бу туһунан Евгений Григорьев олохтоох дьаһалта Киин уокурук нэһилиэнньэтигэр сыллааҕы отчуотун кэмигэр иһитиннэрдэ.

  «2021 сылга Дьокуускай куорат өрөспүүбүлүкэтээҕи бырагырааманан эбии 4,5 млрд солкуобайы ылла. Бу элбэх кыбартыыралаах 102 дьиэни көһөрөргө көмө буолуоҕа. Дьиҥэр, эрдэ 20 дьиэ диэн былааннаммыта», – диэтэ баһылык эбээһинэһин толорооччу.