25.06.2020 | 10:09

Сүрүн сокуоммутун тупсаран биэрэбит

Сүрүн сокуоммутун тупсаран биэрэбит
Ааптар: Киин Куорат
Бөлөххө киир

Айхал Габышев, Саха сирин тутааччыларын сойууһун уонна Саха сирин аҕаларын түмсүүтүн салайааччыта:

–  Аан дойдуга олох тэтимэ уларыйыан уларыйда. Онон дойдубут Сүрүн сокуонун уларытарбыт бары өттүнэн табыгастаах. Бу Орто дойдуга букатын кэлбит суоҕун курдук, ханнык баҕарар сокуон эмиэ кэмэ кэллэҕинэ, уларыйыахтаах. Сүрүн сокуоҥҥа уларытыылары киллэрии айылҕатын быһыытынан кэмэ кэлэн буолар. Бастатан туран, Сүрүн сокуоҥҥа дьиэ кэргэн, ыал политикатыгар улахан болҕомто ууруллубута киһи сүргэтин көтөҕөр. Ол курдук,  ыал буолууну өйөөһүн, ийэ-аҕа оруолун өрө тутуу, дьиэ кэргэҥҥэ оҕону иитии усулуобуйатын тупсарыы, ону тэҥэ, сааһын сиппит оҕо төрөппүттэрин дьоһун саастарыгар көмөлөөх буолалларыгар ыҥырыы киирбитэ билиҥҥи кэмҥэ олус сөптөөх суол. Бу уларытыылар барыта дьон-норуот сайдыытыгар олук уураллар, уйгулаах олоҕу түстүүллэр. Ону тэҥэ, оҕо уонна ыччат бырааба Конституциянан көмүскэллээх буолла. 67-с ыстатыйа 4-с чааһыгар  “Арассыыйа судаарыстыбаннай политикатын сүрүн оҥкула – оҕо» диэн киллэрии улахан суолталаах. Конституция 7-с ыстатыйата этэринэн, Российскай Федерация киһи дьоһуннаах олохтонорун туһугар уонна хас биирдии киһи көҥүл сайдыытыгар туһуламмыт политикалаах социальнай судаарыстыба буолар диэн баар. Модун Арассыыйа тэтимнээхтик сайдарын, дьон-сэргэ олоҕо өссө тупсарын туһугар Сүрүн сокуоммутун билигин тупсаран биэрэрбит сөптөөх дьаһаныы буолар!

Сонуннар

Ордук ааҕаллар

Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.
Нэһилиэстибэ тула
Тускар туһан | 11.04.2024 | 12:00
Нэһилиэстибэ тула
Киһи бу олохтон барыыта, ыал арахсыыта, төрөппүтэ суох хаалыы – орто дойду сокуоннара. Онуоха биһиги сорох ардыгар хойутаан нэһилиэстибэни оҥотторор түгэммит баар. Өскөтүн кэргэниҥ, ийэҥ, аҕаҥ, чугас киһиҥ суох буоллаҕына, кини нэһилиэстибэтин алта ыйынан сокуонунан оҥотторуохтааххын.   Билэр чугас дьонум аҕалара орто дойдуттан барбытын кэннэ хас да сыл буолан баран биирдэ...