Сүрүн эксээмэннэр болдьохторо көспөт уонна уларыйбат

Арассыыйа үөрэҕин миниистирэ Сергей Кравцов 2020-2021 үөрэх дьылыгар судаарыстыбаннай түмүктүүр аттестацияны көһөрөр уонна уларытар туһунан былааммыт суох диэн иһитиннэрдэ.

Ол курдук, эһиил БКЭ уонна ОГЭ үгэс быһыытынан үс түһүмэҕинэн ыытыллыахтара.

• болдьоҕун иннинэ ыытыллар БКЭ – кулун тутар 22 күнүттэн муус устар 16 күнүгэр диэри;
• сүрүн эксээмэн ыам ыйын 24 күнүттэн от ыйын 1 күнүгэр диэри;
• эбии түһүмэх – балаҕан ыйын 3-22 күннэрэ.

Оттон ОГЭ болдьохторо маннык диэн быһаарылынна:

• болдьоҕун иннинэ ыытыллар эксээмэн – муус устар 20 – ыам ыйын 14 күннэрэ;
• сүрүн түһүмэх – ыам ыйын 21 – от ыйын 1 күннэрэ;
• эбии түһүмэх – балаҕан ыйын 3-22 күннэрэ.

Сергей Кравцов эппитинэн, тустаах министиэристибэ уонна Рособрнадзор методическай көмөнү оҥорор былааны бииргэ торумнууллар.