Сүрүн бириис — Санкт-Петербурга билиэт!
![Сүрүн бириис — Санкт-Петербурга билиэт!](https://kiinkuorat.ru/wp-content/uploads/2022/02/EdhGzzymIe.jpg)
Ыччат Бырабыыталыстыбата Саха АССР төрүттэммитэ 100 сылынан эдэр худуоһунньуктарга уонна дизайнердарга аналлаах “Билеты Якутии” айар күрэҕи биллэрбитэ. Кыайыылаах Дьокуускай – Санкт-Петербург – Дьокуускай хайысханан айанныырыгар билиэтинэн наҕараадаланыаҕа уонна Ыччат Бырабыыталыстыбатын каадырдарын саппааһыгар киириэҕэ.
Тэрийэр хамыыһыйа иһитиннэрбитинэн, үлэлэри тутуу болдьоҕо олунньу 26 күнүгэр диэри уһаан биэрдэ. Куонкуруска 16-тан 35-гэр диэри саастаах ыччат, эдэр худуоһунньуктар уонна дизайнердар кытталлар.
Бастыҥ үлэ авиабилиэт, филармония уонна тыйаатыр билиэттэрин дизайннарыгар туһаныллыаҕа. Кыайыылаах бу саас дойду култуурунай киинигэр – Санкт-Петербурга босхо айанныаҕа. Иккис, үһүс миэстэҕэ тиксибит лауреаттарга култуурунай тэрээһиннэргэ сылдьар билиэттэри туттарыахтара. Кинилэр эмиэ Ыччат Бырабыыталыстыбатын каадырдарын резервэтигэр киириэхтэрэ.
Айар күрэх туһунан сиһилии https://molprav.sakha.gov.ru/yakutia-tickets сигэнэн киирэн көрүҥ.
Сонуннар
Ордук ааҕаллар
![Мария Мигалкина: «Кэлии сиэмэлэринэн үлүһүйүмэҥ»](/thumbnails/600/300/wp-content/uploads/2024/07/zgV1bKwtkp.jpg)
![Изабелла Попова: Сүрэхпэр сөҥөрбүт дьүөгэлэрим](/thumbnails/600/300/wp-content/uploads/2024/07/08bzwt1DHL.jpg)
![Баһаар буруйдааҕын тыллыаҥ — наҕараада ылыаҥ](/thumbnails/600/300/wp-content/uploads/2024/07/FtpkFiKGrd.jpg)
![Саха сиригэр мелиорация үлэтэ саҕаламмыта 75 сылын туолла](/thumbnails/600/300/wp-content/uploads/2024/07/6LP5o124wA.jpg)