22.01.2024 | 23:53

Сөптөөх аһылык нэдиэлэтэ хас биирдии оскуолаҕа ыытыллыаҕа

Сөптөөх аһылык нэдиэлэтэ хас биирдии оскуолаҕа ыытыллыаҕа
Ааптар: Киин Куорат
Бөлөххө киир

Киин куорат лиссиэйигэр (ЯГЛ) Сөптөөх аһылык нэдиэлэтэ ааһан эрэр. Сонун тэрээһини Муниципальнай үөрэх кыһаларын хааччыйар киин Үөрэх управлениетын кытта ыыталлар.

Муниципальнай үөрэх кыһаларын хааччыйар киин салайааччыта Варвара Кычкина иһитиннэрбитинэн, Сөптөөх аһылык нэдиэлэтэ мантан антах бу тэрилтэнэн итии аһылыгынан хааччыллар муниципальнай барыларыгар ыытыллар буолуоҕа. 
“Оскуола аһылыгын менютун оҥорорго сөптөөх аһылык ирдэбилэ кытаанахтык тутуһуллар. Холобура, эт, балык аһы биһиги сыахпыт булгуччу пароконвектомакка бэлэмниир, тоҕо диэтэххэ паарга буспут ас битэмиинин сүтэрбэт. Оттон менюбут аныгы оҕоҕо кэрэхсэбиллээх буоларын туһугар буортута суох фастфуду оҥорон саҕалаатыбыт. Холобура, “Школьник” ПП-бургербытын оҕолор бэркэ биһирээтилэр. Инникитин эмиэ итинник, сөптөөх фишбургер, пицца, наггетс оҥорор былааннаахпыт. Ил Дархан Айсен Николаев Оҕо саас сыла оҕолорго аһылык култууратын иҥэриэхтээх диэн соругу туруорбута. Онон үөрэх тэрилтэлэрин итии аһылыгар олохтоох бородууксуйаны киллэрэр биир кэлим стандарт үлэлиэхтээх уонна бородууксуйа хаачыстыбатыгар кытаанах хонтуруол барыахтаах»,- диир Варвара Кычкина.
Сөптөөх аһылык нэдиэлэтин саҕалаабыт Куорат лиссиэйигэр бу күннэргэ үөрэнээччилэргэ фрукталаах десертэри астыырга маастар-кылаас ыытылынна, сөптөөх аһылык туһунан истиэнэ хаһыатын оҥорууга күрэх бара турар.

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.
Сүүтүк саҕа сүбэлэр
Тускар туһан | 17.02.2024 | 10:00
Сүүтүк саҕа сүбэлэр
Бүгүҥҥү нүөмэрбэр хаалбыт 25 сүбэни бэчээттиибин. Ааҕан туһаныаххыт диэн эрэнэбин, олоххут куруук күөх хонуунан аастын, күҥҥүт чэмэлийэ тыктын, дьоллоох-соргулаах буолуҥ!