14.10.2022 | 12:00

Үс оҕолоох аҕалары хомууртан босхолууллар

Судаарыстыбаннай Дуума дьиэ кэргэн, дьахтар уонна оҕо кыһалҕаларын быһаарар кэмитиэтин бэрэссэдээтэлэ Нина Останина телеграм-ханаалыгар хомууртан босхолонуу испииһэгэр 16-гар диэри саастаах үс оҕону иитэр дьону босхолуур туһунан көннөрүү киирбитин иһитиннэрдэ.
Үс оҕолоох аҕалары хомууртан босхолууллар
Ааптар: Киин Куорат

Көннөрүү олоххо киирбитин туһунан Арассыыйа Сэбилэниилээх күүстэрин Генштабын салайааччыта  В.Герасимов байыаннай уокуруктарга алтынньы 4 күнүгэр ыыппыт 315/2/3658дсп №-дээх  суруга бигэргэтэр. Бу иннинэ түөрт оҕолоох уонна төрдүс оҕотун кэтэһэ сылдьар аҕалар эрэ босхолоноллоро, аны 16-гар диэри саастаах үс оҕолоохтору эмиэ босхолоотулар.

Судаарыстыбаннай Дуума балаҕан ыйыгар киллэрбит сокуонун бырайыагар 18-гар диэри саастаах үс оҕолоох уонна 23 сааһыгар диэри күнүскү үөрэххэ үөрэнэр устудьуон оҕолоох аҕалары босхолууру туруорсубуттара Оборона кэмитиэтин өттүттэн харданы ылбатаҕа.

Манна даҕатан эттэххэ, Судаарыстыбаннай Дуума судаарыстыбаны тутууга уонна сокуону оҥорууга кэмитиэтин бэрэссэдээтэлин солбуйааччы Сардаана Авксентьева РФ Оборонаҕа министиэристибэтигэр үс оҕолоохтору хомууртан босхолуур туһунан суругу ыытан турар. 

Сонуннар

Ордук ааҕаллар

Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Юрий Попов: «Барыта улахан үлэттэн тахсар»
Дьон | 25.11.2022 | 16:00
Юрий Попов: «Барыта улахан үлэттэн тахсар»
Дьокуускайга Тупсарыы үс сыла биллэриллэн, бу диэн эттэххэ, киин куоракка, чахчы, үтүмэн үлэ ыытылынна, ону олохтоохтор даҕаны бэйэҕит көрө-истэ сылдьаҕыт.  Быйыл сайын «Уһук Илиҥҥэ 1000 тиэргэн» федеральнай бырайыагынан Дьокуускай куоракка 75 тиэргэн тупсаран оҥоһулунна. Саамай элбэх эбийиэккэ бэдэрээтчитинэн «Основа» ХЭТ үлэлээтэ. Онон бүгүҥҥү нүөмэрбитигэр бу тэрилтэ эдэр салайааччыта Юрий Поповы...
Ийэ айманар сүрэҕин туох уоскутуой...
Сытыы муннук | 01.12.2022 | 12:03
Ийэ айманар сүрэҕин туох уоскутуой...
Билиҥҥи балаһыанньаҕа, билиҥҥи судургута суох кэмҥэ оҕотун байыаннай дьайыыга атаарбыт ийэлэрдиин кэпсэтэртэн ордук ыарахан суох. Кинилэр куоластара титириирэ, харахтарын уутун кистээн туора соттоллоро, оҕолорун тустарыгар күүстээх, тулуурдаах буола сатыыллара киһини өссө уйадытар, уоскутар тылы булбакка мух-мах бараҕын. Бу сырыыга оҕолорун атаарбыт, кэтэһэр, эрэнэр икки ийэни кытта харах уулаах кэпсэтиибин ааҕааччыларбар...