08.06.2021 | 10:46

Үс Хатыҥ харабылланар буолуоҕа

Үс Хатыҥ харабылланар буолуоҕа
Ааптар: Киин Куорат

Киин куорат дьаһалтата Намныыр суол 17 км баар Үс Хатыҥ ытык сирин бэс ыйыттан алтынньы ыйга диэри сэбилэниилээх харабыллааһыҥҥа муниципальнай бүддьүөттэн 1965120 солкуобай сууманы көрүөҕэ. 
Онон «Култуураҕа уонна уус-уран үөрэхтээһиҥҥэ агентство» МБТ дириэктэрэ Индира Ли бэс ыйын 3 күнүгэр аукцион биллэрбитэ. 


Ол ирдэбилинэн кыайыылаах эбийиэк материальнай баайын-дуолун күнүстэри-түүннэри харабыллыырга миэрэлэри ылыахтаах, пропуһунан киириини-тахсыыны тэрийиэхтээх. Тэрээһиннэри ыытар кэми киллэрэн туран, сууккаҕа 4-түү киһи харабылга туруохтаах.  
Аукцион кыттыылаахтара харабыллыыр үлэҕэ болдьоҕо ааһа илик лицензиялаах, суһал бөлөххө 4-тэн итэҕэһэ суох тырааныспардаах уонна сэптээх-сэбиргэллээх буолаллара ирдэнэр. 
Хантараакка илии баттаныаҕыттан харабыл өҥөтө 115 хонук, ол эбэтэр 3,5 ый оҥоһуллар. 
Аукцион ыытарга уонна хантараак түһэрсэргэ сокуон ирдэбилин учуоттаан (хантараак быһа холоон бэс ыйын 25-27 күннэригэр түһэрсиллэрэ былааннанар),  Үс Хатыҥ алтынньы ый ортотугар диэри харабылланар. 
Манна кыттыан баҕалаах дьон сайаапкаларын бэс ыйын 11 күнүгэр диэри хомуйаллар. Аукцион бэс ыйын 15 күнүгэр ыытыллар.

Сонуннар

Ордук ааҕаллар

Оҕуруот аһын олордооччуларга саҥа субсидия көрүллүөҕэ
Сонуннар | 18.05.2022 | 15:00
Оҕуруот аһын олордооччуларга саҥа субсидия көрүллүөҕэ
«Развитие овощеводства и картофелеводства» саҥа федеральнай бырайыак чэрчитинэн субсидия бэриллэр буолуоҕа. Манан дьоҕус уонна орто предпринимателлэр, маны сэргэ, “самозанятайдар” уонна кэтэх хаһаайыстыбалаах дьон эмиэ туһаныахтарын сөп. Ол курдук, судаарыстыба хортуоппуйу уонна да атын оҕуруот аһын олордуунан дьарыктанар оҥорон таһаарааччылары өйүүр миэрэлэри кэҥэтиэҕэ. Бу туһунан уураахха Арассыыйа бырабыыталыстыбатын бэрэссэдээтэлэ Михаил Мишустин...
Ньургуһуну эмкэ туһаныы
Сынньалаңңа | 12.05.2022 | 12:30
Ньургуһуну эмкэ туһаныы
Тоҥ буору тобулан тахсар хорсун сибэкки ньургуһун барахсан олоххо тардыһыытынан, кэрэ көстүүтүнэн эрэ буолбакка, араас ыарыыны эмтиир кыахтааҕынан өбүгэ саҕаттан аатырар. Аныгы үйэ киһитэ ньургуһунан хайдах эмтэниэн сөбүй? Бу туһунан айылҕаттан айдарыылаах норуот эмчититтэн туоһуластыбыт. Юлия Юрьевна Николаева – норуот эмчитэ, “Арчы дьиэтин” иһинэн үлэлиир өбүгэ үгэһин, сиэрин-туомун дьоҥҥо тарҕатар,...
Тааттаҕа музей тэриллиитэ
Куорат олоҕо | 14.05.2022 | 15:00
Тааттаҕа музей тэриллиитэ
Кэлэр сэрэдэҕэ, ыам ыйын 18 күнүгэр, аан дойдуга Музей күнэ бэлиэтэнэр. Быйыл Таатта улууһугар кыраайы үөрэтэр музей тэриллибитэ 77 сыла.   Музей тэриллиитэ норуодунай худуоһунньук И.В. Попов аатын кытта ыкса ситимнээх. Дэгиттэр дьоҕурдаах, хас да экспедицияҕа сылдьыбыт (бастакы Сибиряковскай экспедиция 1894-96 сс.), баай матырыйаалы муспут буолан да буолуо, 1938 с. саҕалаан...
Сааскы Ньукуолун — күөххэ үктэнии өрөгөйө
Тускар туһан | 20.05.2022 | 14:00
Сааскы Ньукуолун — күөххэ үктэнии өрөгөйө
Ыам ыйын 22 күнэ – сааскы Ньукуолун. Кыһыҥҥы Ньукуолун ахсынньы 19 күнүгэр бэлиэтэнэр (День святого Николая Чудотворца) Таҥара дьиэтин  бырааһынньыга.   Саха дьонугар былыр-былыргыттан сааскы Ньукуолун күнэ олус ытыктанар, улахан суолталаах, күүтүүлээх. Бу күн уһун кыһыны этэҥҥэ туораан, күөххэ үктэнии үөрүүтэ-өрөгөйө буолар. Мөккүөрдээх соҕус да буоллар, бу күнү сорохтор өссө саха...