Үс Хатыҥҥа Куорат баһылыгын бирииһигэр ат сүүрдүүтүн көтүтүмэҥ

Бүгүн киэһэ 20.00 ч. Үс Хатыҥҥа Иннокентий Саввич Свинобоева-Тыыннаахап аатынан ипподромҥа 7 улуустан 32 быһый кыттыылаах ат сүүрдүүтэ ыытыллар.
Ол курдук, бэйэлэрин сылгыларын бу дьоһун күрэхтэһиигэ Мэҥэ Хаҥалас, Үөһээ Бүлүү, Амма, Чурапчы, Нам, Сунтаар уонна Ньурба улуустара аҕаллылар.
Сүүрдүүлэр 1600, 2400, 3200 уонна 4800 м уһуҥҥа ыытыллаллар.
Улуу Туймаада хочотун аатынан сүүрдүү 4800 м уһуҥҥа уонна 1 000 000 солк. бириис пуондалаах ыытыллар. Бу уһуҥҥа саха боруодата 5 сылгы кыттар.
400 000 солк. бириис пуондалаах иккис саамай тыҥааһыннаах киирсии 3200 м күүтүллэр. Бу уһуҥҥа тупсарыллыбыт саха боруодата 9 сылгы кыттар.
Ити курдук, бу күн сүүрдүүлэр кыайыылаахтара уопсайа 2 600 000 солк. үллэстиэхтэрэ.
Күрэхтэһии генеральнай спонсордара: Мархатааҕы «Сибирь» сибиинньэ комплекса, «Туймаада» АУо Агрохолдинг, «Амурагроцентр» ХЭУо, «Альфа-Банк» АУо, «Дьокуускайдааҕы үүт собуота» ХЭУо.
Официальнай спонсор: «Комдрагметалл РС(Я)» АУо.
Партнердар: "СоюзАвто" кэммиэрсийэтэ суох тэрилтэ, «Туймаада-Нефть» АУо, диэн иһитиннэрэр Олохтоох дьаһалта пресс-сулууспата.