02.08.2021 | 11:30

СӨ бырабыыталыстыбата Амур уобалаһын территориятыгар оту бэлэмнээһин туһунан дуогабардаста

СӨ бырабыыталыстыбата Амур уобалаһын территориятыгар оту бэлэмнээһин туһунан дуогабардаста
Ааптар: Киин Куорат
Бөлөххө киир

Ил Дархан Айсен Николаев сорудаҕынан, премьер Андрей Тарасенко салайааччылаах бырабыыталыстыба бөлөҕө от ыйын 30-31 күннэригэр Амур уобалаһын бырабыыталыстыбатын кытта кэпсэтиини ыытта уонна «Амурагроцентр» ХЭТ сырытта. Ол туһунан өрөспүүбүлүкэ  бырабыыталыстыбатын уонна баһылыгын пресс-сулууспата иһитиннэрдэ. 
Саха сиригэр кураан күн-дьыл туран от былаанын туолааһына кэккэ ыарахаттары көрүстэ.  Оту бэлэмнээһин быйылгы былаана – 457 тыһыынча туонна, онтон 364 тыһыынча туонната бэлэмнэнэрэ былааннанар. Тиийбэтэх 93 тыһыынча туоннаны мобильнай биригээдэлэр көмөлөрүнэн, ол иһигэр ыаллыы регионнартан аҕалар сорук турар. 
Бырабыыталыстыба бөлөҕө Амур уобалаһын бырабыыталыстыбатын кытта кэпсэттэ уонна «Амурагроцентр» ХЭТ сырытта. ХЭТ элбэх сыл устата Саха сиринээҕи көтөр уонна сибиинньэ иитэр тэрилтэлэри кытта бииргэ үлэлэһэр, Хатастааҕы сибиинньэ иитэр комплекска, «Сибирь» сибиинньэ иитэр бааһынай  хаһаайыстыбаҕа уонна Нерюнгритааҕы көтөр фабрикатыгар комбикорм ыытар. 
Амур уобалаһын бырабыыталыстыбатын бэрэссэдээтэлин солбуйааччы Александр Нестеренконы уонна уобаластааҕы тыа хаһаайыстыбатын Министиэристибэтин бэрэстэбиитэллэрин кытта  көрсүһүү түмүгүнэн Амур уобалаһын территориятыгар оту бэлэмнээһин уонна Саха сиригэр аҕалыы туһунан дуогабардастылар. Андрей Тарасенко ынах сүөһү уонна сылгы төбөтө аҕыйаабатыгар от тыын суолталааҕын бэлиэтээтэ. 


Амур уобалаһын тыа хаһаайыстыбатыгар Министиэристибэтэ СӨ тыатын хаһаайыстыбатын оҥорон таһаарааччыларын уонна уобалас хаһаайыстыбаларын икки ардыгар оту биэрии туһунан дуогабар түһэрсэллэригэр көмөлөһүө уонна ынах-сүөһү, сылгы кыстыгар быһа холоон 25 тыһыынча туоннаҕа диэри оттонор от сирин биэриэ. 
Бу иннинэ өрөспүүбүлүкэ баһылыга Айсен Николаев тыа хаһаайыстыбатын кэккэ оройуоннарыгар кураанынан сибээстээн ыксаллаах быһыы-майгы эрэсиимин киллэрэр туһунан уураахха илии баттаабыта.  Итиннэ эбии сорох оройуоннарга ойуур баһаара уустук балаһыанньаны үөскэтэр.

Сонуннар

Ордук ааҕаллар

Саллаат таҥарата — ийэтэ, кэргэнэ
Сонуннар | 08.03.2024 | 09:30
Саллаат таҥарата — ийэтэ, кэргэнэ
Наталья Андреевна Охлопкованы анал байыаннай дьайыыга сылдьар уолаттар олус убаастыыллар, ытыктыыллар, олох дьоруой курдук саныыллар диэни истэн баран, булан кэпсэтэргэ санаммытым уонна, чахчы да, дьоруойдар тыылга эмиэ бааллар эбит диэн санааҕа кэллим.
Хатаска саҥа спорт комплекса арылынна
Сонуннар | 13.03.2024 | 14:09
Хатаска саҥа спорт комплекса арылынна
Хатас урут даҕаны, билигин даҕаны чөл-чэгиэн дьонунан тутахсыйбатаҕа. Ол гынан баран ол туһугар усулуобуйа наадатын бары да өйдүүбүт. Иллэрээ күн, кулун тутар 12 күнүгэр, баҕа санаа туолара маннык эбит диэххэ диэри сабыс-саҥа “Дьулуур” спорт комплексын киэҥ уораҕайа аанын тэлэччи арыйда. Этиллибит кэмҥэ дьон устар сүүрүктүү хотоҕостуу субуллан, 400 миэстэлээх саала...
Норуот эмтиэкэтэ
Тускар туһан | 08.03.2024 | 12:00
Норуот эмтиэкэтэ
Аныгы үйэ буолан үгүспүт социальнай ситимнэри ааҕар, туттар, кэтиир-маныыр. Манна наадалаах, туһалаах сүбэлэр хото суруллаллар. Ону биһиги бүгүн ааҕааччыларбытыгар дьиҥнээхтии көмөлөспүт дьон суруйбуттарын, айылҕалаахтар да эппиттэрин көрөн бэчээттиэхпит. Ол эрээри, барытын туттан, туһанан испэккитигэр сүбэлиибит, бэйэҕит эккит-сииҥҥит тугу ирдиирин, быраас сүбэтин тутуһаргыт ордук.   Куртах бааһын (язва) оһордор ас туһунан Устудьуоннуу...
Утуйуу хаачыстыбата улахан суолталаах
Сонуннар | 15.03.2024 | 14:00
Утуйуу хаачыстыбата улахан суолталаах
Кулун тутар 15 күнүгэр Аан дойдутааҕы Утуйуу күнэ бэлиэтэнэр. ВОЗ статистикатынан, нэһилиэнньэ 10-30% кыайан утуйбакка (бессонница) эрэйдэнэр, сорох дойдуларга ити көрдөрүү 50−60%-ҥа тиийэр.