«Россия – Моя история» историческэй паарка аахсыйа биллэрдэ

От ыйын 7 күнүттэн коронавирустан быһыыны ылбыт дьоҥҥо историческэй паарка экспозицияларын көрүү төлөбүрэ 50% чэпчэтиилээх буолла. 
Чэпчэтиинэн туһанарга вакцинация ылбыт туһунан сертификаты көрдөрүллүөхтээх, ол иһигэр электроннай көрүҥүнэн «Госуслуги» сыһыарыыны туһанан, эбэтэр медицинскэй тэрилтэ бэчээттээх медсправка. Аахсыйа 2021 сыл от ыйын 7 күнүттэн атырдьах ыйын 31 күнүгэр диэри ыытыллар. 
Вакцинация ылбыт туһунан сертификаты көрдөрдөххө билиэт сыаната 75 солкуобай буолар. Итини таһынан, историческэй пааркаҕа босхо быыстапкалар бааллар: «Вспомним» – Аҕа  дойду Улуу сэриитигэр анаммыт быыстапка, «Самая красивая страна» фотобыыстапка, ХIX үйэ бүтэһигинээҕи баай ыал дьиэтин ис бараана, «Тыгын Дархан» уонна "Сэрии оҕолоро" киинэлэр көстүүмнэрин, реквизиттарын уонна эскизтэрин быыстапката. 
Историческэй паарка Роспотребнадзор бары ирдэбиллэрин тутуһан үлэлиир. Тэрилтэ үлэһиттэрин 75% коронавируһу утары быһыыны ылбыттар.