Роспотребнадзор сорох тэрилтэлэр үлэлэрин хааччахтаата
“Российская газета” иһитиннэрэринэн, алтынньы 28 күнүттэн Арассыыйа үрдүнэн мааскалаах сылдьыы эрэсиимин булгуччу киллэрэр туһунан Роспотребнадзор уураах таһаарда.
Ол курдук, дойду бары олохтоохторо дьон-сэргэ тоҕуоруһар сирдэригэр – уопсастыбаннай тырааныспарга, таксига, парковкаларга, лифтэргэ хайаан да мааска кэтэ сылдьыахтаахтар.
Маны таһынан, түүн 23.00 чаастан сарсыарда 06.00 чааска диэри сэргэхситэр-саататар тэрээһиннэр ыытыллаллара уонна ас-үөл өҥөтүн оҥорор тэрилтэлэр үлэлэрэ көҥүллэммэт буолла. Онон баардар, кафелар, рестораннар, кулууптар үлэлиир эрэсиимнэрэ уларыйыаҕа.
Уураахха дезинфекция үлэтэ күүһүрүөхтээх диэн суруллубут.
Сонуннар
Ордук ааҕаллар


