15.05.2020 | 11:39

Роспотребнадзор сүбэлиир: Баһаар буруотуттан харыстанар ньымалар

Ааптар: Киин Куорат
Бөлөххө киир

Саас, сайын ойуур баһаардара үксүүллэр. Роспотребнадзор Саха сиринээҕи салаата нэһилиэнньэлээх пууннарга баһаар буруота тарҕанар кэмигэр маннык дьаһаллары ылыҥ диэн сүбэлиир:

  • Төһө кыалларынан таһырдьа сылдьыыны аҕыйатыҥ, ордук куйаас күннэргэ буруо тарҕаннаҕына таһырдьа тахсымаҥ.
  • Оҕолор таһырдьа, спортивнай балаһааккаларга сылдьар кэмнэрин кылгатыҥ.
  • Элбэх ууну иһиҥ. Итии күннэргэ киһи тиритэр буолан организм уута түргэнник көҕүрүүр, ону толорон иһиэххэ наада.
  • Туһалаах туустары уонна микроэлеменнэри сүтэрбэт туһуттан, кыра туустаах, щелочьтаах ууну, кефири иһэр ордук туһалаах. Газированнай утаҕы күннээҕи аһылыктан суох гынар ордук.
  • Аһылыкка чэпчэки, иҥэмтиэлээх битэмииннэрдээх бородуукталары элбэтиҥ.
  • Физическэй ноҕоруусканы кыччатыҥ.
  • Буруо хойдор, өр турар кэмигэр тыынар уорганнары харыстааҥ – мааска, респиратор о.д.а. кэтиҥ. Таҥас маасканы, буруоттан үчүгэйдик харыстыырын туһугар, сиигирдэр табыгастаах. Түннүгү, ааны сииктээх таҥаһынан сабыҥ, кондиционеры туһаныҥ. Буруоттан ордук аҕам саастаахтар, кыра оҕолор уонна тыынар уорган ыарыылаахтар, аллергиялаахтар сэрэниэхтээхтэр.
  • Дьиэттэн буруо буортута тахсарын туһугар уунан сууйа-сото сылдьыҥ.
  • Буруо баар буолла да, киһи хараҕар көстүбэт кыра күл кыырпахтара киһи этигэр-сиинигэр хатаналлар. Ону ыраастыыр туһуттан күҥҥэ хаста да душтанар туһалаах.
  • Арыгы, пиибэ иһимэҥ, табахтаамаҥ.
  • Ыарыы сибикитэ билиннэҕинэ (сэниэҕит эстэр, мэйиигит эргийэр, тыыҥҥыт кылгыыр, сөтөл киирэр, утуйбат буолаҕыт) бырааска тиийиҥ.

Сонуннар

Ордук ааҕаллар

Саргылан Семенов: «Паралимпиада кыһыл көмүһүн ылларбын...»
Дьон | 01.02.2025 | 11:00
Саргылан Семенов: «Паралимпиада кыһыл көмүһүн ылларбын...»
Кини – 25 саастаах эдэр киһиэхэ олох ыараханын, аһыытын-ньулуунун билбит, ол охсууттан самныбатах, күүстээх санаалаах, сахалыы мындыр толкуйдаах, саастаах да дьоҥҥо холобур буолар киһи киэн туттар дьоруойа.   – Саргылан, бастатан туран, бэйэҥ тускунан билиһиннэриэҥ дуо? – 1999 сыллаахха Уус Алдан улууһун киинигэр Бороҕоҥҥо төрөөбүтүм, улааппытым, оҕо, эдэр сааһым барыта онно...
Екатерина Семенова: «Ылдьаананы аһынным ээ...»
Дьон | 08.02.2025 | 12:00
Екатерина Семенова: «Ылдьаананы аһынным ээ...»
Бу күннэргэ «Саха» НКИХ көрөөччүлэрэ «Уот Дьулустаан» диэн саҥа сериалынан олоробут диэтэххэ, омун буолбатах. Киэһэ аайы: «Киинэбит кэлэрэ чугаһаата», – диэн бассаап бөлөхтөр оргуйа түһэллэр. Саҥа сериалга киҥнээх, кырыктаах Ылдьаана хотун оруолун чаҕылхайдык толорбут Екатерина Семенова көрөөччү киэҥ биһирэбилин ылла.   Бүгүҥҥү сэргэх сэһэргэһээччибит –  СӨ Үүнэр көлүөнэтин тыйаатырын артыыһа, СӨ...
Саха түмэлигэр ураты быыстапка турда
Сонуннар | 07.02.2025 | 22:12
Саха түмэлигэр ураты быыстапка турда
Саха АССР оскуолаларын 1985 сыллааҕы выпускниктара быйыл оскуоланы бүтэрбиттэрэ 40 сылын туолар. Кыайыы 40 үбүлүөйдээх сылыгар Саха сирин оскуолаларын бүтэрбит  тыһыынчанан оҕо бүгүн бэйэлэрэ олохторун орто омурҕанын ааһан, үүнэр көлүөнэни, эдэр ыччаты дойдуга тулхадыйбат таптал, бэриниилээх буолуу тыыныгар үлэлэһэр ытыктанар дьон. Кинилэр бу үтүө дьулуурдара атыттарга холобур эрэ буолар аналлаах....