Росавтодор Бүтүн арассыыйатааҕы «Дорожный навигатор» айар күрэҕи ыытар

Федеральнай суол агентствотын «ИНФОРМАВТОДОР» массыына суолларын информационнай киинэ суруналыыстарга анаан сылын аайы ыытыллар Бүтүн арасыыйатааҕы «Дорожный навигатор» айар күрэх туһунан биллэрэр.  Күрэх сүрүн сыала – маассабай информацияны тарҕатар сириэстибэлэргэ, социальнай ситимнэргэ уонна блогердар эйгэлэригэр суол салаатын үлэтин киэҥник сырдатыы буолар. 
Куонкуруска эрэдээксийэлэр, федеральнай уонна региональнай СМИ суруналыыстара, социальнай ситимнэргэ аккауннаах эбэтэр YouTube-ханаалга ити тиэмэнэн видеороликтаах  суол тэрилтэрэ (юридическай сирэйдэр) кыттыахтарын сөп. 
Куонкуруска араас жанрдаах текстээх матырыйааллары (ол иһигэр бэчээттэнэн тахсыбыттары, информационнай таҥыллыбыт үлэлэри), фотоматырыйааллары, радио- уонна телесюжеттары, лонгридтары, видеороликтары (араас көрүҥүнэн, ол иһигэр  YouTube-ханаалга), 2020 сыл тохсунньу 1 күнүттэн 2021 сыл балаҕан ыйын 15 күнүгэр диэри тахсыбыттар кытталлар.
Күрэх номинациялара:
· «Энергия дорог» — суол салаатын сайдыытыгар анаммыт бастыҥ ыстатыйа (интернет уонна бэчээт эйгэтэ)
· «Безопасный путь» — суолга сэрэхтээх буолуу таһымын үрдэтэр тиэмэҕэ бастыҥ телесюжет эбэтэр телебырагыраама.
· «Дорожное дело» — суол ситимин сайдыытын туһунан бастыҥ радиоматырыйаал эбэтэр радиобырагыраама.
· «Дорожная эволюция» — суол хаһаайыстыбатын эйгэтин технологияларын туһунан бастыҥ фоторепортаж.
· «Время дорог» — суол эйгэтин туһунан социальнай ситимҥэ саамай креативнай пост.
· «Все путем» — суол сайдыытын боппуруостарыгар, историятыгар, суол эйгэтин үлэһиттэригэр анаммыт бастыҥ лонгрид.
· «Дороги Для Людей» — суол эйгэтин туһунан бастыҥ информационнай интернет-бырайыак/портал.
· «Удачной дороги» — РФ суолларын туһунан YouTube-ханаалга видеоролик.
Куонкуруска кыттар туһунан сайаапкалары 2021 сыл балаҕан ыйын 15 күнүгэр диэри (ити күнү киллэрэн туран) konkurs@infad.ru. аадырыска туталлар. Сайаапкаҕа ааптар толору аата-суола эбэтэр псевдонима ыйыллар, СМИ аата, куонкурус номинацията, электроннай аадырыс, төлөппүөн нүөмэрэ. Кэлэктиип сайаапкалара (соавтордар, телебөлөхтөр уо.д.а.) ааптардар тустарынан дааннайдаах буолуохтаахтар. Эрэдээксийэлэртэн, тэрилтэлэртэн сайаапкаларга СМИ,  тэрилтэ аата толору суруллуохтаах. Сиһилии – күрэх балаһыанньатыгар. 
Эбии информацияны ыйыталаһар төлөппүөн +7 (495) 747-91-25.
Күрэх кыайыылаахтарын наҕараадаларын уонна дипломнарын туттарыы «Дорога – 2021» аан дойдутааҕы быыстапка чэрчитинэн алтынньы ый 12-14 күннэригэр Сочи куоракка буолуоҕа.