08.07.2021 | 13:00

РФ спордун миниистирэ Олег Матыцин Манчаары Оонньууларыгар кэллэ

РФ спордун миниистирэ Олег Матыцин Манчаары Оонньууларыгар кэллэ
Ааптар: Киин Куорат

РФ спордун миниистирэ Олег Матыцин «Манчаары Оонньуулара» спорт национальнай көрүҥнэригэр XXI Спартакиада үөрүүлээх аһыллыытыгар кытынна. 
«РФ спордун министиэристибэтин аатыттан эһигини «Манчаары Оонньуулара» спорт национальнай көрүҥнэригэр XXI Спартакиада үөрүүлээх аһыллыытынан эҕэрдэлиирим миэхэ улахан чиэс уонна үөрүү. Бастатан туран Саха өрөспүүбүлүкэтин бырабыыталыстыбатыгар, тэрийэр кэмитиэккэ, Горнай оройуонун олохтоохторугар, оройуоннар бэрэстэбиитэллэригэр маннык уустук кэмҥэ Оонньууларга бэлэмнэммиккитигэр уонна кэлбиккитигэр махталбын тиэрдэбин», - диэтэ Спартакиада үөрүүлээх быһыыга-майгыга аһыллыытыгар  Олег Матыцин. 
Кини Саха сирин бырабыыталыстыбата ыытар бэлиитикэтин бэлиэтээтэ. «Бүгүн эһиги дьоллоох сирэйгитин, күрэхтэһэр баҕаҕытын, дойдугутунан киэн туттаргытын көрөбүт. Ол иһин өрөспүүбүлүкэ бырабыыталыстыбата спортка, култуураҕа, үөрэҕириигэ ытыктабыллаах сыһыан политикатын ыытара туһалааҕар эрэллээхпит», - диэн миниистир эбэн эттэ. 
Спартакиада буолар кэмэ Токиоҕа ыытыллыахтаах Олимпийскэй  Оонньууларга бэлэмнэниини кытта сөп түбэспит. «Биһиги Олимпийскэй Оонньуулар буолуохтарын иннинэ сүдү суолталаах кэмҥэ көрүстүбүт. Манна кэлэн иҥэриммит эниэргийэбитин биһиги, Олимпиадаҕа бэлэмнэнии штабын салайааччылара, спортсменнэргэ тиэрдиэхпит. Олимпийскай оонньууларга бэлэмнэнии уонна күрэхтэһии кэмигэр биһиги хамаандабытын өйүүргүтүгэр эрэнэбин. Эһиэхэ доруобуйаны, этэҥҥэ буолууну, өрөспүүбүлүкэҕэ чаҕылхай кыайыылары баҕарабын», - диэн түмүктээтэ Олег Матыцин.

Сонуннар

Ордук ааҕаллар

Баһылык итирдэр утахтары атыылыыр быраабылаларга сыһыаннаах этии киллэрдэ
Сонуннар | 15.07.2021 | 13:00
Баһылык итирдэр утахтары атыылыыр быраабылаларга сыһыаннаах этии киллэрдэ
Куорат баһылыга Евгений Григорьев уопсастыбаннай аһыыр сирдэри кэҥэтэр уонна арыгы атыылыыр сирдэри социальнай эбийиэктэртэн тэйитэр туһунан этии киллэрдэ. Ол туһунан кини «Сахамедиа» медиа-кииҥҥэ ыытыллыбыт «Дополнительные ограничения времени, условий и мест розничной продажи алкоголя в Якутии» дискуссияҕа эттэ.  Баһылык ВОЗ дааннайдарынан арыгыттан сылтаан өлүү Арассыыйа 100 тыһыынча олохтооҕор ылан көрдөххө эр...
Дойдууна: «Сулус — халлааҥҥа, киһи — сиргэ»
Дьон | 17.07.2021 | 13:00
Дойдууна: «Сулус — халлааҥҥа, киһи — сиргэ»
Кинини  айылҕаттан ураты экстрасенс, сүппүт дьону булааччы быһыытынан сахалар эрэ буолбакка, өрөспүүбүлүкэ тас өттүгэр олорооччулар эмиэ билэллэр. Бүгүҥҥү кэпсиир дьоруойум “Саха сирин экстрасенстара – 2015” күрэххэ “Лучший экстрасенс Якутии” ааты сүкпүт ДОЙДУУНА. Дойдууна элбэх оҕолоох ыалга төрөөбүтэ, кинилэр бииргэ төрөөбүт тохсуолар. Хаҥалас улууһа киинэ түспүт, сиргэ үктэммит дойдута буолар. Ийэтэ...
Бары күүһү ойуур баһаардарын утары!
Сонуннар | 12.07.2021 | 11:30
Бары күүһү ойуур баһаардарын утары!
От ыйын 9 күнүгэр "Марха өрүс көмүскээччилэрин" түмсүүтэ Дьокуускай куорат общественниктарын, Ил Түмэн дьокутааттарын, СӨ бырабыыталыстыбатын, Дьокуускайдааҕы Дума, Общественнай Палата чилиэннэрин, суруналыыстары, блогердары, улуустар землячестволарын көҕүлээччилэрин, улуустар бэрэстэбиитэллэрин, бары тэрилтэ үлэһиттэрин кытта көрсөн Горнай, Ханалас уонна да атын улуустарга улахан ойуур баһаардара турбуттарынан, Бүлүү федеральнай суол кылгас кэмҥэ сабылла сылдьыбытынан...
Больничнай 100 бырыһыан төлөнөр буолла
Тускар туһан | 18.07.2021 | 11:30
Больничнай 100 бырыһыан төлөнөр буолла
8 саастарын туола илик оҕолор ыарыйдахтарына бэриллэр бүлүтүөн  төлөнүүтэ дьэ уларыйда.  Балаҕан ыйын 1 күнүттэн 8-тарыттан кыра саастаах оҕо ыарыйдаҕына, төрөппүтүгэр “больничнай илиис” төлөбүрэ хамнас 100%-гар тэҥнэһиэҕэ. Билигин бу төлөбүр үлэ ыстааһыттан эрэ тутулуктаах. Эдэр төрөппүттэр ыстаастара кыра буоллаҕына, «больничнай илиис» төлөбүрэ хамнастарынааҕар төһө эмэ кыра буолар.  “Больничнай” төлөбүрүн үрдээһинэ...