02.08.2021 | 10:00

РФ бырабыыталыстыбата үлэтэ суохтары регистрациялааһын судургу көрүҥүн уһатта

РФ бырабыыталыстыбата үлэтэ суохтары регистрациялааһын судургу көрүҥүн уһатта
Ааптар: Киин Куорат

РФ бырабыыталыстыбата үлэтэ суохтары регистрациялааһын судургу көрүҥүн 2021 сыл ахсынньы 31 күнүгэр диэри уһатта. Ол туһунан  РФ бырабыыталыстыбатын пресс-сулууспата иһитиннэрдэ.  
Ити туһунан уурааҕы бырабыыталыстыба бэрэссэдээтэлэ Михаил Мишустин бигэргэттэ. 
Былырыын киирбит бэрээдэгинэн, үлэтэ суох туһунан «Работа в России» сайт нөҥүө сайабылыанньа биэрэн учуокка туруохха сөп. Онно эбии судаарыстыбаннай өҥө портаалыгар баар тус кэбиниэт нөҥүө үлэтэ суох босуобуйатын оҥоттороллор. 
Итинник  регламент гражданнары дьарыктаах буолуу сулууспаларыгар сылдьартан босхолуур. Ону таһынан, үлэтэ суохтар ирдэнэр докумуоннары хомуйа сатаабаттар, бары сибидиэнньэлэр тустаах тэрилтэҕэ быһа автоматическай көрүҥүнэн киирэллэр. 
2021 сылга үлэтэ суох ылар саамай үрдүк босуобуйата 12 130 солкуобай, алын кээмэйэ – 1500 солкуобай. Босуобуйа гражданин үлэтэ суоҕунан билиниллибит бастакы күнүттэн ааҕыллар. 
Бастакы үс ыйга гражданин бүтэһик үлэлээбит тэрилтэтигэр орто хамнаһын 75%-на, ол эрэн 12 130 солкуобайтан тахсыбат суума төлөнөр. Кэнники үс ыйга орто хамнас 60%-на, ол эрэн 5000 солкуобайтан тахсыбат босуобуйа көрүллэр.

Сонуннар

Ордук ааҕаллар

Валентина Колодезникова-Айыына:  Киһи баҕарыах эрэ тустаах
Дьон | 04.08.2022 | 10:00
Валентина Колодезникова-Айыына: Киһи баҕарыах эрэ тустаах
Бүгүҥҥү нүөмэрбитигэр мас ууһа Валентина Колодезникова--Айыынаны кытта кэпсэтэбит. Валентина-Айыына уустар түөлбэлээн үөскээбит Баайаҕа нэһилиэгиттэн төрүттээх. Тутуу биригээдэтин салайааччыта. Дьоҕурун сөпкө туһаммыт уонна киэҥ эйгэҕэ таһаарбыт уус.
Үөрүүлээх түгэни - дьоһун көстүүлээх
Сонуннар | 05.08.2022 | 10:51
Үөрүүлээх түгэни - дьоһун көстүүлээх
Үөрэх дьыла чугаһаабытынан, бэйэбит үөрүүбүтүн үллэстэргэ сананныбыт. Ол курдук, быйыл Кэбээйи улууһун Мукучу нэһилиэгэр улахан оскуола дьиэтэ тутуллубута 90 сылын кэлэктиип туох эрэ ураты көстүүлээх көрсүөхтээх диэн быһаарыы ылынан, саҥа сахалыы истииллээх таҥас сакаастаан тиктэрбиппит. 
Минньигэстик аһааҥ
Тускар туһан | 05.08.2022 | 10:00
Минньигэстик аһааҥ
Сибиэһэй оҕуруот аһа дэлэгэй эрдэҕинэ, боростуой, минньигэс уонна битэмииннээх салааттарда астанан хаалыаҕыҥ.
НВК Саха бырагыраамата атырдьах ыйын 8-14 күнэ
Сонуннар | 03.08.2022 | 16:50
НВК Саха бырагыраамата атырдьах ыйын 8-14 күнэ
Понедельник, 8 августа 6:00 Сана кун 6+ 8:00 Утро Якутии 6+ 9:00 Сана кун 6+ 10:00 Утро Якутии 6+ 11:00 Тиэргэн 6+ 11:30 ПроАвто 12+ 12:00 "Якутия" информационная программа 12+ 12:15 Асчыттар 6+ 13:00 Дойдум дьоно 12+ 13:15 Актуальное интервью 12+ 13:30 "Саха сирэ" информационнай биэрии  12+ 13:45 "Якутия" информационная...