Рейтиннээх куоластааһыҥҥа көхтөөхтүк кыттыҥ

Кыайыы пааркатын тупсаран тутууга 8 642, Сайсары күөл кытылын уонна Ийэ скверин тас көрүҥнэрэ тупсарыгар 5 780 киһи куоластаабыт.

Санатар буоллахха, кыайыылаах бырайыактар федеральнай кыттыгас үбүлээһиҥҥэ тиксиэхтэрэ уонна 2022 сылга олоххо киириэхтэрэ. Бырайыагы өйүүргэ төһөнөн элбэх куолас киирэр да, оччонон бырайыак олоххо киирэр кыахтанар. Куоластааһын ыам ыйын 30 күнүгэр түмүктэнэр.

Куоластааһын бэрээдэгэ:

1. za.gorodsreda.ru сайтка киирэҕит, бэйэҕит муниципальнай тэриллиигитин талаҕыт. Куоластааһыҥҥа кыттар эбийиэктэр ааттарын-суолларын, бырайыактарын билсиҥ.

2.  «Госуслуги» порталга киириҥ эбэтэр регистрацияланыҥ, регистрация форматыгар бэйэҕит араспаанньаҕытын, ааккытын, аҕаҕыт аатын, төрөөбүт күҥҥүтүн уонна олорор сиргитин, электроннай почтаҕыт аадырыһын уонна төлөпүөҥҥүт нүөмэрин суруйуҥ.

3. Ханнык уопсастыбаннай территория тупсарыллыахтааҕын талыҥ.

Ытыктабыллаах Дьокуускай куорат олохтоохторо! Куораппыт инники кэскилэ, тупсара, чэчирии сайдара хас биирдиибититтэн тутулуктааҕын өйдөөн, куоластааһыҥҥа көхтөөхтүк кыттаргытыгар ыҥырабыт. Эһиги хас биирдии куоласкыт куораппытын тупсарар бырайыактар үлэҕэ киирэллэригэр кыах биэрэр.