Үөрэнээччилэргэ сценарийга уһуйууга маастар-кылаас ыытылынна
Өрөспүүбүлүкэ баһылыгын уонна бырабыыталыстыбатын пресс-сулууспата иһитиннэрбитинэн, Бүтүн Арассыыйатааҕы «Көр, бу Арассыыйа!» куонкурус чэрчитинэн, «Прометей» оскуолатын үөрэнээччилэригэр анаан сценарий маастарыстыбатыгар уһуйууга маастар-кылаас ыытылынна.
Режиссер Петр Черкашин уонна АГИКИ Имиджка уонна информационнай политикаҕа киинин салайааччыта Анастасия Алексеева устуу үлэтин, тэрил техническэй уратытын туһунан кэпсээтилэр, сүрүн кистэлэҥнэрин үллэһиннилэр.
«Биир балаһааккаҕа дойдубут араас регионнарын үөрэнээччилэрин түмэр – сөҕүмэр! Оҕолор видео-аккырыыкка көмөтүнэн элбэх араас омуктаах дойдубут нэһилиэстибэтин көрдөрөр кыахтаахтар. Маннык бырайыактар аныгылыы хайысханы биэрэллэр уонна оскуола паартатыттан патриотизм тыыныгар иитэллэр» - диэтэ спикер Анастасия Алексеева.
Маастар-кылааска барыта 100-чэ үөрэнээччи кытынна. Тэрээһини уһуллубут көрүҥүнэн куонкуруска регистрацияламмыт 14,5 тыһыынчаттан тахса үөрэнээччи көрөр кыахтаах.
Бүтүн Арассыыйатааҕы видео-аккырыыкка күрэҕэр кыттыан баҕалаахтар төрөөбүт дойдуларын туһунан ролигы усталлар уонна атын регионнарга «пирибиэт» ыыталлар. Бастыҥ үлэлэри ахсынньы 7-17 күннэригэр ыытыллар аһаҕас куоластааһын түмүгүнэн быһаараллар. Номинациялар кыайыылаахтарын дьүүллүүр сүбэ сүүмэрдиир. Бэлиэтэммит хамаандалар сыаналаах бириистэри уонна наҕараадалары тутуохтара. Кыттарга сайаапканы сэтинньи 25 күнүгэр диэри куонкурус lookitsrussia.ru сайтыгар биэриэххэ сөп.
Сонуннар
Ордук ааҕаллар
