Үөрэх тэрилтэлэригэр үлэ күөстүү оргуйар
![Үөрэх тэрилтэлэригэр үлэ күөстүү оргуйар](https://kiinkuorat.ru/wp-content/uploads/2024/08/4xjC3crIvp.jpg)
Куораттааҕы үөрэх управлениета иһитиннэрэринэн, Дьокуускайга үөрэх тэрилтэлэригэр Олохтоох көҕүлээһиннэри өйүүр бырагыраама (ППМИ) чэрчитинэн кэккэ эбийиэктэргэ үлэ күөстүү оргуйар. Ол курдук, уһуйаан уонна оскуола тиэргэннэрэ, балаһааккалара тупсарыллаллар, таһынааҕы сырдатыы үлэтэ ыытыллар, тэрил-тээбирин ылыллар.
Быйыл киин куоракка үөрэх тэрилтэлэригэр бу бырагыраама иитинэн 31 мөл. солк. тахса суумалаах 14 бырайыак олоххо киирэр. Былааннаммыт үлэ барыта ыйыллыбыт болдьоҕунан уонна графигынан оҥоһуллар.
Ол курдук, 89 №-дээх «Парус» уонна 102 №-дээх «Подснежник» уһуйааннарга туустаах хостор баар буоллулар. 24 №-дээх «Сардаана» уһуйаан педагогтарын уонна төрөппүттэрин көҕүлээһиннэринэн Губинскай уокурук 203-с дьоҕус түөлбэтигэр Иитээччи скверин тупсарыы иккис түһүмэҕэ ыытыллар. Маны сэргэ, 9 №-дээх «Якутяночка», 10 №-дээх «Туллукчаан», 14 №-дээх «Журавлик», 82 №-дээх «Мичээр» уһуйааннарга, Табаҕа орто оскуолатыгар, «IT-куб» цифровой үөрэхтээһин киинигэр уонна Ф.И. Авдеева аатынан Оҕо айымньытын дыбарыаһыгар территорияны тупсарыы үлэтэ салҕанар. Итини таһынан, «Юнармия дьиэтин» илин өттүн саҥардаллар, П.Н. уонна Н.Е. Самсоновтар ааттарынан Хатас орто оскуолатын агропааркатыгар хаххалыыр оҥоһуу туруора сылдьаллар. Табаҕаҕа 103 №-дээх «Родничок» уһуйааҥҥа «Росточек» кэбиниэккэ интерактивнай уонна мультимедийнай тэрил-тээбирин саҥардыллыаҕа, ону таһынан кырачааннары суол быраабылаларыгар үөрэтэр балаһаакка оҥоһуллуоҕа.
Ити курдук, үөрэх тэрилтэлэригэр саҥа үөрэх дьылыгар бэлэмнэнии күргүөмнээхтик ыытыллар.
Хаартыска: t.me/yaguo_official
Сонуннар
Ордук ааҕаллар
![Герман Отов: «Пригороднай аныгылыы улахан бөһүөлэк буолар чинчилээх...»](/thumbnails/600/300/wp-content/uploads/2024/09/inhECNdY5z.jpg)
![Кыыдаана Игнатьева: «Худуоһунньук бэйэтин көрүүтүнэн салайтарыахтаах...»](/thumbnails/600/300/wp-content/uploads/2024/09/bfLXieHIgF.jpg)
![НВК Саха бырагыраамата балаҕан ыйын 2-8 күннэригэр](/thumbnails/600/300/wp-content/uploads/2024/06/gUTASAJZUq.jpg)
![Дойдутун, дьонун-сэргэтин туһугар](/thumbnails/600/300/wp-content/uploads/2024/08/oqg0Jblh7K.jpg)