29.11.2021 | 16:30

Региоҥҥа коронавирус дьаҥа намтаабыта бэлиэтэнэр

Региоҥҥа коронавирус дьаҥа намтаабыта бэлиэтэнэр
Ааптар: Киин Куорат

Улуустар баһылыктара кыттыылаах Суһал штаб мунньаҕар өрөспүүбүлүкэ баһылыга Айсен Николаев региоҥҥа коронавирус дьаҥа намтаабытын бэлиэтээтэ уонна быһыыны тэтимирдэргэ ыҥырда. 
«Ааспыт нэдиэлэ түмүгүнэн өрөспүүбүлүкэҕэ коронавирус дьаҥынан ыалдьыы арыый намтаабыта көстөр, ол иһигэр Дьокуускайга. Өрөспүүбүлүкэ үрдүнэн ылан көрөр эбит буоллахха, киин куоракка ыарыы 40-45% тиксэр, бу иннинэ 50% тахса буолааччы. Ол эрэн сорох оройуоннарга уустык быһыы-майгы оннунан хаалар, холобур, Нерюнгри, Хангалас, Томпо оройуоннарыгар», — диэтэ Айсен Николаев.
Ил Дархан быһыы тэтимигэр болҕомтотун уурда. 
«Вакцинация бырыһыана ордук уон оройуоҥҥа намыһах, итиннэ нэһилиэнньэ 60% тиийбэт киһи быһыыны ылбыт. Ити – Амма, Үөһээ Бүлүү, Горнай, Кэбээйи, Мирнэй, Нам, Нерюнгри, Өлүөхүмэ, Уус Алдан уонна Чурапчы оройуоннара», — диэтэ Айсен Николаев.
Кини Дьокуускай куораты бэлиэтээтэ, манна ааспыт нэдиэлэтээҕи көрдөрүүнэн улахан нэһилиэнньэ 70%-на быһыыны ылбыт. Ил Дархан этэринэн, ол иһин бүгүҥҥү күҥҥэ Дьокуускайга ыалдьыы намтаабыт. Киин куоракка вакцинация бастакы компоненын ылыы 70% , онтон оройуоннарга 63,6% тэҥнэспит. Регион үрдүнэн быһыыны ылыы орто көрдөрүүтэ – 66,2%. 
Вице-премьер Ольга Балабкина иһитиннэрбитинэн, сэтинньи 29 күнүнээҕи туругунан коронавирус дьаҥынан ыалдьыы уопсай кэмин устата 70 218 түбэлтэ регистрацияламмыт, 1702 киһи олохтон туораабыт. Ааспыт сууккаҕа 149 киһи үтүөрбүт. 
Роспотребнадзор дааннайдарынан, сотору кэминэн коронавирус дьаҥын көбүтээччини буларга лабораторнай чинчийиилэри кэҥэтии былааннанар. Роспотребнадзор бэрэстэбиитэлэ үөрэх тэрилтэлэригэр грипп, ОРВИ ыарыыларга болҕомтону уурарга, грипптэн көхтөөхтүк вакцинацияланарга ыҥырда.

Сонуннар

Ордук ааҕаллар

Тыыннаахпыт тухары бүппэт кыһалҕалар
Куорат олоҕо | 24.06.2022 | 16:00
Тыыннаахпыт тухары бүппэт кыһалҕалар
«Кыһалҕа, муҥ тиити буолбакка, киһини кэрийэр» диэн сахалар өс хоһоонноро баар. Киһи олорорун тухары кыһалҕаны, ыарахаттары көрсөр, ону туоратарга дьулуһар. Онуоха салалта, дьаһалта өттүттэн эмиэ кыһаллаллар, араас уураахтары, дьаһаллары таһааран олохпут чэпчиирин туһугар туруулаһаллар. Ол да буоллар, ол эрэн... дииргэ тиийэбит.   Илин эҥэрдэр паром кыһалҕалаахтар Муоста, муоста диибит да, ол...
Дьиэ кэргэн бизнеһин өйүүр киин арылынна
Сонуннар | 27.06.2022 | 17:39
Дьиэ кэргэн бизнеһин өйүүр киин арылынна
Бэс ыйын 27 күнүгэр Дьокуускайга Дьиэ кэргэн бизнеһин өйүүр киини арыйдылар. Киин күлүүһүн вице-премьер Ольга Балабкинаҕа үөрүүлээх быһыыга-майгыга туттарыы сиэригэр-туомугар Арассыыйатааҕы Атыы-эргиэн палататын вицэ-бэрэсидьиэнэ Елена Дыбова туттарда. Арассыыйа үрдүнэн бу төрдүс киин үлэлээтэ. Эрдэ маннык кииннэр Нижний Новгородка, Уфаҕа, Рязань куоракка бааллар. Киин арыллыыта Саха АССР үбүлүөйдээх сылыгар сөп түбэспитэ...