Үрдүк үөрэххэ онлайн туттарсабыт

СӨ үөрэҕириигэ уонна наукаҕа министиэристибэтэ иһитиннэрбитинэн, gosuslugi.ru порталга «Үрдүк үөрэх кыһатыгар онлайн туттарсабыт» диэн суперсервис баар буолла. Кини көмөтүнэн Арассыыйа судаарыстыбаннай үрдүк үөрэҕин кыһаларыгар дьиэҕэ олорон туттарсыахха сөп. 

«Үрдүк үөрэх кыһатыгар онлайн туттарсабыт» суперсервис көмөтүнэн абитуриеннар тугу гыныахтарын сөбүй:
-үрдүк үөрэх кыһаларын талаллар;
-үөрэх туттарсар туһунан сайабылыанньаны уонна ирдэнэр докумуоннары ыыталлар;
-эбии туох тургутуу баарын билэллэр;
-куонкуруска хаһыс миэстэҕэ сылдьалларын кэтииллэр;
-үөрэххэ киирэргэ сөбүлэҥнэрин биэрэллэр;
-сайабылыанньаларыгар уларытыы киллэрэллэр;
-үөрэххэ киирбиттэрин-суоҕун көрөллөр. 

Докумуоннары хайдах ыытабыт?
Бастаан Судаарыстыбаннай өҥөлөр порталыгар регистрацияланабыт уонна үөрэххэ туттарсыы сайабылыанньатын толоробут, ирдэнэр докумуоннары барытын угабыт. Манна оскуоланы бүтэрбит туһунан аттестат, диплом, туоһу сурук, тус ситииһиилэр тустарынан докумуон куоппуйалара наадалар. Ити докумуоннары сканердыахха эбэтэр хаартыскаҕа түһэриэххэ сөп. 

Үөрэххэ киирэргэ сөбүлэҥмитин хайдах биэрэбит 
Докумуоннары 5 үрдүк үөрэх кыһатыгар хас биирдиилэригэр 3 хайысханан биэриэххэ сөп. Ол эрэн киирэргэ биир эрэ кыһаны талыллар. 
Ханнык үрдүк үөрэх кыһатын таларга сервис уларыйыылар тустарынан иһитиннэриилэри ыыта туруоҕа.  Абитуриент хаһан баҕарар тус кэбиниэтигэр киирэн куонкуруска ханнык миэстэҕэ сылдьарын бэрэбиэркэлиэн сөп. Итини тэҥэ сервис сөбүлэҥи хаһан биэрэр болдьох кэлбитин сэрэтэр. 
Абитуриент санаата уларыйан, атын үөрэҕи талабын диир буоллаҕына, Судаарыстыбаннай өҥөлөр порталыгар киирэн, сөбүлэҥин төттөрү ылыан сөп. 

Өйдөөҥ: биир үөрэх кыһатыгар сөбүлэҥи иккитэ эрэ ыытыллар. Үөрэххэ киирбиттэргэ электроннай почтаҕа эбэтэр тус кэбиниэккэ иһитиннэрии кэлэр.