Өрөспүүбүлүкэ ойуур баһаардаах 6 оройуонугар уустук балаһыанньа салҕанар

Ойуур баһаардарыгар Үөһээ Бүлүү, Ньурба, Сунтаар, Өймөкөөн, Уус-Майа уонна Томпо улуустарыгар уустук балаһыанньа оннунан хаалар. 
Ойууру авиациянан харабыллыыр сулууспа иһитиннэрбитинэн, региоҥҥа 16 ойуур баһаара баар. Ааспыт суукка иһигэр 5 баһаар умуруорулунна. Онно 908 киһи уонна 106 тиэхиньикэ үлэлээтэ. 18 патруллуур-хонтуруоллуур бөлөх 256 киһиэхэ баһаартан сэрэхтээх буолуу туһунан бэсиэдэ ыытта, уонтан тахса киһини ойуурга киллэрбэтэ. 
Регион нэһилиэнньэлээх пууннарыгар буруону кэтээн көрүү тиһигин быспакка ыытыллар. Гидрометеосулууспа Дьокуускайдааҕы салаата уонна Роспотребнадзор иһитиннэрбиттэринэн, суукка иһигэр 4 оройуон территориятыгар салгын 9 боруобата оҥоһуллубут, ханна да нуорманы таһынан үрдүгү көрдөрбөтөх.  

 «Ойуур баһаардарыгар Үөһээ Бүлүү, Ньурба, Сунтаар, Өймөкөөн, Уус-Майа уонна Томпо улуустарыгар уустук балаһыанньа оннунан хаалар. Итиннэ 23 тыһыынчаттан тахса гектардаах сиргэ баһаар 10 көрдүгэнэ регистрацияламмыта. Кылаабынай управление сүрүн күүһэ нэһилиэнньэлээх пууннары көмүскүүргэ уонна ойуур баһаарын умуруорар үлэлэри салайыыга туһуламмыта. Арассыыйа ЫБММ авиацията уонна аэромобильнай бөлөҕө кыттыһарга бэлэм», - диэтэ СӨ ЫБМ кылаабынай управлениетын начальнига Павел Гарин.