18.06.2021 | 18:00

Өрөспүүбүлүкэҕэ 3 тыһыынчаттан тахса "Спутник V" вакцина кэллэ

Өрөспүүбүлүкэҕэ 3 тыһыынчаттан тахса  "Спутник V" вакцина кэллэ
Ааптар: Киин Куорат
Бөлөххө киир

Суһал штаб биллэрбитинэн, Саха сиригэр 3300 устуука «Спутник V» вакцина кэлэн өрөспүүбүлүкэ биэс оройуонугар түҥэтилиннэ. 
Өрөбүл күннэргэ вакцинация пууннара өрөспүүбүлүкэ үрдүнэн штатнай эрэсииминэн үлэлииллэр. Суһал штаб бүгүҥҥү брифинигэр доруобуйа харыстабылын миниистирэ Елена Борисова Саха сирин олохтоохторун коронавирус дьаҥыттан быһыыны ыларга ыҥырда. 
Манна даҕатан, Саха норуотугар биллэр, ытыктанар киһибит, духуобунас академига, норуот маастара Мандар Уус норуотугар туһаайбыт этиитин тиэрдиэҕи баҕарыллар.  
Ил Дархан Айсен Николаев маассабай вакцинация эрэ нэһилиэнньэ холбоһуктаах иммунитетын оҥоруоҕа диэн тылларын Борис Неустроев-Мандар Уус, норуот маастара өйөөтө. 
Кини этэринэн, хас биирдии киһи тутулуга суох уонна доруобуйата көҥүллүүр эрэ буоллаҕына вакцинация ыларын туһунан быһаарыныахтаах.
Вакцинация ылыах иннинэ медицинскэй бэрибиэркэ ааһыахха наада диэн этэр Мандар Уус.  
“Хас биирдии киһи, тус бэйэтэ быһаарыныахтаах, вакцинация ыларын ылбатын. Өскөтүн, киһи доруобай буоллаҕына вакцина ылыан сөп. Мин саныахпар, долгуйар, эбэтэр куттанар буоллаххытына медицинскэй бэрибиэркэ ааһар, анаалыс туттараргыт булгуччулаах. Мин бэйэм даҕаны ылыам этэ, хомойуох иһин доруобуйам көҥүллээбэт, ол иһин сатаан вакцина ылбаппын”, – диэн эттэ Мандар Уус.

Сонуннар

Ордук ааҕаллар

Оҕуруо абылаҥар ылларбыт Роза Спиридонова
Дьон | 31.05.2024 | 14:00
Оҕуруо абылаҥар ылларбыт Роза Спиридонова
Роза Яковлевна Спиридонова Дьокуускай куорат 39 №-дээх «Ромашка» уһуйааныгар музыкальнай салайааччынан үлэлиир. Бүгүҥҥү сэһэргэһээччим, чахчы, талба талааннаах киһи. Кини оҕуруонан үлэлэрэ ханнык да көмүс оҥоһуктан хаалсыбаттар. Роза Яковлевна Ньурба Маалыкайыттан төрүттээх. Эбэтэ уонна ийэтэ суохтан баар оҥорор, кыраттан да элбэҕи айан таһаарар, эргэни саҥа тыынныыр сатабыллаах хаһаайкалар, көмүс тарбахтаах иистэнньэҥнэр...
Дьикти түбэлтэ
Сынньалаңңа | 01.06.2024 | 17:00
Дьикти түбэлтэ
Уйбаан Уйбаанабыс сураҕа суох сүппүтүн туһунан сурах нэһилиэги биир гына тилийдэ. Сарсыарда олус хойуу сиик түспүт этэ. Ойоҕо халдьаайыттан көрөн турдаҕына, эр киһи алааһы бүтүннүү тарҕаммыт күдэрик тумаҥҥа ынахтарын көрдүү киирбитэ уонна ол кэнниттэн ууга тааһы бырахпыттыы мэлийбитэ... Дьахтар бу киһи туман түспүтүн туһанан арыгыһыт доҕотторун диэки сүүрбүт дии санаан,...
Умнуллубут аспытын сөргүтүөххэ
Тускар туһан | 01.06.2024 | 18:00
Умнуллубут аспытын сөргүтүөххэ
Оскуолалар, уһуйааннар ыһыахтара үгэннээн тураллар. Сотору улахан ыһыахтар кэлиэхтэрэ. Ону кытта сахалыы сандалыбытыгар тугу астыырбытын былаанныыбыт. Үгэс буолбут бүлүүдэлэртэн хал буолбут буоллаххытына, өбүгэлэрбит умнулла быһыытыйбыт астарын сөргүтэргэ ыҥырабыт.   Искэхтээх эбэтэр хааннаах алаадьыэ Алаадьы тиэстэтигэр ханнык баҕарар бөдөҥ балык искэҕин кутан буһардахха, ураты уонна тотоойу бүлүүдэ буоларын билэбит. Оттон сорох хотугу...