Өрөспүүбүлүкэ чулууларын наҕараадалаатылар

Бу күн Саха сирин социальнай-экономическай сайдыытыгар сүдү кылааттарын киллэрбит дьону чиэстээтилэр. Өрөспүүбүлүкэ күнүн көрсө ыытыллыбыт үөрүүлээх тэрээһиҥҥэ Арассыыйа Бэрэсидьиэнин уонна СӨ Ил Дарханын бочуотунай грамоталарын уонна махтал суруктарын, “Гражданскай килбиэн” бэлиэни туттардылар.     

Айсен Николаев Евгения Михайловаҕа “Бочуот уордьанын” туттарда, оттон “Пирогов уордьана” Любовь Казаковаҕа, Ирина Романоваҕа, Валерия Тюляховаҕа тигистэ. Сусанна Козлова Лука Крымскай мэтээлинэн, Алексей Носков, Виктор Паршин “Аҕа дойду иннигэр өҥөтүн иһин” уордьан 2-с истиэпэннээх мэтээлинэн наҕараадаланнылар.

Айталина Афанасьева-Адамова “Арассыыйа норуодунай арыыһа”,  Альберт Васильев, Елена Гуляева «Арассыыйа үтүөлээх бырааһа”, Алквиад Иванов “Арассыыйа доруобуйатын харыстабылын үтүөлээх үлэһитэ”, Любовь Никитина уонна Матрена Павлова “Арассыыйа култууратын үтүөлээх үлэһитэ”, Афанасий Романов “Арассыыйа үтүөлээх худуоһунньуга” үрдүк ааты сүктүлэр.

Наталья Доманова Арассыыйа Бэрэсидьиэнин бочуотунай грамотатын, оттон Никифор Павлов махтал суругун туттулар.

СӨ Ил Дарханын Ыйааҕынан Николай Лугинов “Саха сирин үтүөлээх бырааһа”, Александр Веревкин “Саха сирин үтүөлээх суруналыыһа”, Сардаана Авксентьева, Сергей Емельянов “Саха сирин норуотун хаһаайыстыбатын үтүөлээх үлэһиттэрэ”, Владимир Прокопенко “Саха сирин үтүөлээх юриһа” буоллулар.

Владимир Беркутов, Алексей Галанин, Сардана Гурьева, Екатерина Миронова, Людмила Сарычева, Амирхан Яндиев Ил Дархан грамотатынан бэлиэтэннилэр. Алла Аравиди, Гаврил Готовцев, Иван Макаров, Олег Машинскай, Зинаида Соловьева “Гражданскай килбиэн” бэлиэни ыллылар.

Наталья Харлампьева П.А. Ойуунускай аатынан СӨ Судаарыстыбаннай бириэмийэтинэн наҕараадаланна.  Зинаида Федорова Исидор Барахов аатынан бириэмийэни тутта. Оттон Василий Гринченко уонна Анатолий Семенов Юрий Прокопьев аатынан бириэмийэ хаһаайыннара буоллулар.

Судаарыстыбаннай сулууспа бэтэрээнэ, “Норуоттар доҕордоһуулара” уордьан кавалера, Саха сирин норуотун хаһаайыстыбатын үтүөлээх үлэһитэ, Өксөкүлээх Өлөксөй аатынан Судаарыстыбаннай бириэмийэ лауреата Матвей Мучин Саха сирин үрдүкү судаарыстыбаннай наҕараадатын – “Хотугу сулус” уордьаны тутта.

Судаарыстыбаннай сулууспа бэтэрээнэ, Саха сирин норуотун хаһаайыстыбатын үтүөлээх үлэһитэ, Максим Аммосов аатынан Судаарыстыбаннай бириэмийэ лауреата Егор Ларионов “Саха сирин бочуоттаах гражданина” үрдүк ааты ылла.  

Хаартыска: СИА