05.07.2021 | 18:00

Өрөспүүбүлүкэ былааһа коронавирус саҥа дельта штамма булуллубутун эттэ

Өрөспүүбүлүкэ былааһа коронавирус саҥа дельта штамма булуллубутун эттэ
Ааптар: Киин Куорат

Бүгүн суһал штаб мунньаҕар Саха сирин кылаабынай санитарнай бырааһа Маргарита Игнатьева өрөспүүбүлүкэҕэ COVID-19 ыалдьыбыт дьон ортотугар дельта штамма («индийскэй» диэнинэн биллэр) булуллубутун эттэ. 
«Бүгүн өрөспүүбүлүкэҕэ британскайы сэргэ коронавирус индийскэй штамма баара билиннэ», - диэбит кылаабынай санитарнай быраас. 
Саха сиригэр ыараханнык ыалдьыбыт дьон ахсаана элбээбит – 75, олортон 19 киһи тыҥа искусственнай вентиляциятын аппараатыгар холбонон сытар. 
Өрөспүүбүлүкэ 11 оройуонугар коронавирустан нэһилиэнньэ улахан дьонун ортотугар 50%-тан аҕыйах киһи быһыыны ылбыт. Ил Дархан этэринэн, сорох оройуоннар урут кэлбит вакциналарын да туттан бүтэрэ иликтэр эбит. «Итинник улуустарга коронавируһунан ыалдьыбыт киһи ахсаана элбээбитин көрөбүт»,  - диир өрөспүүбүлүкэ баһылыга.
Саха сиригэр британскай штамм аан бастаан муус устар ыйга баара биллибит. Дельта штамма саҥа булулунна диэн этэллэр өрөспүүбүлүкэ былаастара. 
Ааспыт сууккаҕа өрөспүүбүлүкэҕэ коронавирус дьаҥынан ыалдьыы 99 түбэлтэтэ регистрацияланна, онтон 51 Дьокуускай куоракка.

Сонуннар

Ордук ааҕаллар

Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Аар Саарынтан алгыстаммыт Күн Сандаара
Дьон | 04.12.2022 | 16:00
Аар Саарынтан алгыстаммыт Күн Сандаара
Кэлиҥҥи сылларга айылҕаттан айдарыылаах, олоххо ураты көрүүлээх, тарбахтарыгар талааннаах, илиилэринэн илбийэн эмтиир сахалыы эмчиттэри хаһыаппытыгар үгүстүк сырдатан кэллибит. Бүгүн мин биир дойдулаахпын, алгысчыт, сахалыы эмчит Саргылаана Винокурова-Күн Сандаараны билиһиннэриэхпин баҕарабын.  Күн Сандаара Нам улууһун Салбаҥ нэһилиэгиттэн төрүттээх. Ол гынан баран өр сылларга Сунтаарга олорбут буолан, Сунтаарын ордук чугастык саныыр.   Кулгаахпар...
Ийэ айманар сүрэҕин туох уоскутуой...
Сытыы муннук | 01.12.2022 | 12:03
Ийэ айманар сүрэҕин туох уоскутуой...
Билиҥҥи балаһыанньаҕа, билиҥҥи судургута суох кэмҥэ оҕотун байыаннай дьайыыга атаарбыт ийэлэрдиин кэпсэтэртэн ордук ыарахан суох. Кинилэр куоластара титириирэ, харахтарын уутун кистээн туора соттоллоро, оҕолорун тустарыгар күүстээх, тулуурдаах буола сатыыллара киһини өссө уйадытар, уоскутар тылы булбакка мух-мах бараҕын. Бу сырыыга оҕолорун атаарбыт, кэтэһэр, эрэнэр икки ийэни кытта харах уулаах кэпсэтиибин ааҕааччыларбар...
Ытаспакка, этиспэккэ,  үөрэ-көтө...
Тускар туһан | 25.11.2022 | 18:00
Ытаспакка, этиспэккэ, үөрэ-көтө...
Элбэх төрөппүт оҕотугар дьиэтээҕи үлэтин оҥороругар көмөлөһөрө кистэл буолбатах. Сорохтор “тэбис-тэҥҥэ үөрэнсэбит”, “киэһэ аайы ол айдаана”, “айа, стресс” диэн муҥатыйалларын үгүстүк истэбит. Чуолаан дистанционнай үөрэх кэмигэр дьиэтээҕи үлэни толоруу “сэриигэ” кубулуйа сыспыта.