Өрөспүүбүлүкэ бастыҥ суруналыыстарыгар сыаналаах бириистэри туттарыахтара

Дьокуускай куораттааҕы Дуума, өрөспүүбүлүкэ инновацияҕа, цифровой сайдыыга уонна  инфокоммуникационнай технологияларга Министиэристибэтэ, «Сахапечать» СӨ САТ олохтоох салайыныыны сырдатыыга суруналыыстар ортолоругар өрөспүүбүлүкэтээҕи куонкуруһу биллэрэллэр. Куонкурус Дьокуускай куораттааҕы Дуума 200, олохтоох бэйэни салайыныы 20 сылларыгар ананар. Бу туһунан Дьокуускай куораттааҕы Дуума пресс-сулууспата иһитиннэрдэ. 
Куонкуруска 2022 сыл кулун тутар ыйтан сэтинньигэ диэри бэчээттэммит, эфиргэ тахсыбыт үлэлэр кытталлар. Куонкурус сыала – өрөспүүбүлүкэ олохтоох бэйэни салайыынытыгар суруналыыстар болҕомтолорун тардыы, сөптөөх сырдатыыны көҕүлээһин. 
Кыайыылаахтар 8 номинациянан сүүмэрдэниэхтэрэ:
· «Сахалыы тылынан тахсар улуус (куорат) хаһыаттарын бастыҥ ааптара» – муниципальнай тиэмэҕэ суруллубут аналитическай уонна кыһалҕалаах матырыйааллар (үстэн итэҕэһэ суох ыстатыйа).
· «Нууччалыы тылынан тахсар улуус (куорат) хаһыаттарын бастыҥ ааптара» – муниципальнай тиэмэҕэ суруллубут аналитическай уонна кыһалҕалаах матырыйааллар (үстэн итэҕэһэ суох ыстатыйа).
· «Сахалыы тылынан тахсар өрөспүүбүлүкэ хаһыаттарын бастыҥ ааптара» – муниципальнай тиэмэҕэ суруллубут аналитическай уонна кыһалҕалаах матырыйааллар (үстэн итэҕэһэ суох ыстатыйа).
· «Нууччалыы тылынан тахсар өрөспүүбүлүкэ хаһыаттарын бастыҥ ааптара» – муниципальнай тиэмэҕэ суруллубут аналитическай уонна кыһалҕалаах матырыйааллар (үстэн итэҕэһэ суох ыстатыйа).
· «Интэриниэт-таһаарыы бастыҥ ааптара» – муниципальнай тиэмэҕэ суруллубут аналитическай уонна кыһалҕалаах матырыйааллар (үстэн итэҕэһэ суох ыстатыйа).
· «Бастыҥ телесуруналыыс» – телевидениеҕа муниципальнай тиэмэлээх биэриилэри түһүмэҕинэн таһаарбыт телесуруналыыска ананар (үстэн итэҕэһэ суох сюжет-репортаж эбэтэр интервьюлар, документальнай киинэлэр уо.д.а.).
· «Бастыҥ радиосуруналыыс» – радиоҕа муниципальнай тиэмэлээх биэриилэри түһүмэҕинэн таһаарбыт радиосуруналыыска ананар (үстэн итэҕэһэ суох биэрии).
· «Улуус (куорат) хаһыаттарын бастыҥ эрэдээксийэтэ» – олохтоох бэйэни салайыныы боппуруостарын бастыҥ сырдатыы иһин.
Куонкуруска кыттарга тэрийэр хамыыһыйаҕа матырыйааллары уонна сайаапканы ыытыы ирдэнэр. Сайаапканы кытта туттарыллар үлэ (сюжет, бэчээккэ тахсыбыт матырыйаал) ахсаана 10-тан элбэх буолуо суохтаах. 
Финалистар куонкурус түмүгүн үөрүүлээх таһаарыытыгар ыҥырыллаллар, түмүк итиннэ иһитиннэриллэр. Бары  финалистар сертификаттарынан уонна сыаналаах бириистэринэн (ноутбук, планшет, фотоаппарат, төлөпүөн, диктофон, офиснай тиэхиньикэ уо.д.а.) наҕараадаланаллар. Бастыҥ ааптардарга, эрэдээксийэҕэ, теле, радиосуруналыыска 30 000-тан 50 000 солкуобайга диэри сыаналаах бириистэр туттарыллыахтара. 
Билсэр төлөпүөн (4112) 34-41-35, электроннай почта yarovsms@mail.ru.
Куонкурус усулуобуйатын уонна балаһыанньатын кытта сайтка билсиэххитин сөп: http://yktgorduma.ru/news/1637