Өрүһүнэн суолга тырааныспар уйуга үрдэтилиннэ

Ахсынньы 27 күнүттэн Бүлүү уонна Өлүөнэ өрүстэри туоруур суолларга тырааныспар уйуга үрдэтилиннэ. Ол туһунан регионнааҕы федеральнай массыына суолларын Управлениетын пресс-сулууспата иһитиннэрдэ. 
Ол курдук, муус халыҥын хонтуруоллуур кээмэйдээһинин кэнниттэн, 20 туоннаҕа диэри ыйааһыннаах тырааныспар сырыытын Бүлүү оройуонун «Эдьигээн» массыына суолун 3 км. көҥүллээбиттэр. Бэлиэтэммитинэн, муус саамай чараас сиринэн 67 см. буолбут. 
Итини таһынан, Өлүөнэ эбэни туоруур «Умнас» — Хатас хайысханан «Лена»  массыына суолугар 30 туоннаҕа диэри тырааныспар сырыыта көҥүллэммит. 
Ленскэй оройуонугар «Умнас» массыына суолун «Хамра – Пеледуй» учаастагар 10 туоннаҕа диэри ыйааһыннаах тырааныспар сырыыта арыллыбыт. Хонтуруоллааһын көрдөрбүтүнэн, Пеледуйка өрүс мууһун халыҥа 50 см. тэҥнэспит.