Өрөмүөннэнэр учаастакка светофордар үлэлэрин эрэсиимэ уларытылынна

Ленин проспегын хапытаалынай өрөмүөнэ саҕаламмытынан,  итини сэргэ алтынньы 20 күнүттэн 15 куорат иһинээҕи уонна 7 куорат таһынааҕы оптуобустар сылдьар учаастактара (Кулаковскай уул. Петровскай уул. диэри) сабыллыбытынан сибээстээн, ити оптуобустар сырыыларын Орджоникидзе уонна Ярославскай уулуссаларыгар көһөрөр былааннанар.  Бу туһунан Уокуруктааҕы дьаһалта куораты тутууга уонна тырааныспар инфраструктуратыгар  Департамент иһитиннэрдэ.  
«Ирдэнэр буоллаҕына куорат таһынааҕы оптуобустар сырыылара Ойуунускай уулуссатыгар көһүөхтэрэ. Ярославскай уулуссатын кытта быһа охсуһуу таһыгар Кулаковскай уулусса кыараҕаһын учуоттаан,   Кулаковскай уонна Ярославскай уулуссалар учаастактара сабыллыаҕа», – диэн иһитиннэрдэ  Дьокуускай куорат тырааныспарга уонна суол хаһаайыстыбатыгар Управлениетын начаалынньыга Василий Амбросов.
Кулаковскай уонна Ярославскай уулуссаларын быһа охсуһууларыгар, итини сэргэ Каландаришвили уонна Ленин проспегар светофордары араараллар. 
Кулаковскай уонна Ленин проспегын быһа охсуһууларыгар турар светофор үлэтигэр уларыйыы киирэр. Кулаковскай уул., 18 дьиэтин таһыгар хааччахтааһын туруоруллар. Ярославскай уулуссатыттан уҥа диэки, онтон Кулаковскай уулуссатыттан хаҥас эрэ диэки барыллар буолар. 
Петровскай уонна Ленин проспегын быһа охсуһууларыгар светофор урукку эрэсииминэн үлэлиэҕэ.  Петровскай уонна Белинскэй уулуссаларын быһа охсуһууларыгар светофор эбийиэгэ холбонор.