04.03.2022 | 14:00

Өрөмүөн үлэтэ кылгас болдьоххо ыытылынна

Өрөмүөн үлэтэ кылгас болдьоххо ыытылынна
Ааптар: Киин Куорат

Атыы-эргиэн экономическай колледжын өрөмүөннүүр, чөлүгэр түһэрэр үлэ кылгас болдьох иһигэр ыытылынна.  Бу туһунан Олохтоох дьаһалта пресс-сулууспата иһитиннэрдэ.
Бэдэрээтчит урукку Дьокуускайдааҕы атыы-эргиэн экономическай колледжын дьиэтигэр өрөмүөннүүр, чөлүгэр түһэрэр үлэни олунньу 18 күнүгэр түмүктээтэ, кинини кытта дуогабар 2021 сыл алтынньы 15 күнүгэр түһэрсиллибитэ. Ити туһунан кулун тутар 3 күнүгэр куорат баһылыга Евгений Григорьев Саха Өрөспүүбүлүкэтин Бырабыыталыстыбатын Бэрэссэдээтэлэ Андрей Тарасенконы кытта өрөмүөн түмүгүн көрө сылдьан кэпсээтэ. Урукку колледж дьиэтэ быстах болдьоххо куораттааҕы 1 №-дээх орто оскуолаҕа бэриллэр. 
«Билиҥҥи кэмҥэ бэдэрээтчит тэрилтэ ыйыллыбыт итэҕэстэри туоратар. Маны сэргэ вентиляция уонна автоматическай буруоттан харыстыыр систиэмэлэр үлэлэрэ чопчуланар. Итини тэҥэ оскуолаҕа наадалаах технологическай тэриллэр кэлэллэр», – диэтэ куорат баһылыга.
Быстах кэмҥэ үлэлиэхтээх оскуола дьиэтин наадалаах тэриллэринэн тэтимнээхтик хааччыйаллар. Ол курдук, бастакы түһүмэҕинэн ирдэнэр тэриллэр олунньу 26 күнүгэр кэлбиттэрэ, иккис түһүмэх кэлиитэ кулун тутар ый бүтэһик күннэригэр күүтүллэр. Быйыл сааскы-сайыҥҥы кэмҥэ оскуола таһынааҕы территория тупсаран оҥоһуллуохтаах. 
Билиҥҥи кэмҥэ Роспотребнадзор Управлениетын исписэлиистэрэ оскуола үлэлиэхтээх дьиэтигэр салгын туругун, уу хаачыстыбатын бэрэбиэркэлээн чинчийиилэри ыыттылар, боротокуоллары биэрдилэр. Вентиляция систиэмэтэ үлэҕэ киирдэҕинэ Роспотребнадзор  исписэлиистэрэ салгын хайдах тарҕанарын бэрэбиэркэлиэхтэрэ. Чинчийии боротокуолларын уонна үлэ бүппүтүн туһунан аактаны туттаҕына оскуола салалтата дьиэни бас билии докумуонугар илии баттыахтаах. 
Санатар буоллахха, 1 №-дээх орто оскуола Ленин проспегын 32-гэр турар дьиэтэ 1941 сыллаахха тутуллубут. Прокуратура уонна суут дьаһалыгар олоҕуран, ити дьиэҕэ бөҕөргөтөр, чөлүгэр түһэрэр үлэни ыытар табыллыбат. 
2022 сылга 1 №-дээх орто оскуола саҥа дьиэтин тутуу бырайыага саҕаланар. Дьаһалта уонна төрөппүттэр баҕа санааларын учуоттаан оскуола урукку миэстэтигэр тутуллара былааннанар. Ол эрэн оскуола иэнэ быдан улаатыаҕа, үөрэҕирии тэрилтэлэрин бары ирдэбиллэригэр эппиэттиир буолуоҕа. 
Манна даҕатан эттэххэ, оскуола саҥа дьиэтин тутуута өрөспүүбүлүкэ ситэриилээх былааһын уорганын көрүүтүгэр сылдьар, тоҕо диэтэр урукку оннугар тутарга кэккэ уустуктар бааллар – олорор дьиэлэр чугас тураллар уонна тутууну ыытарга кыараҕас курдук.

Сонуннар

Ордук ааҕаллар

Оҕуруот аһын олордооччуларга саҥа субсидия көрүллүөҕэ
Сонуннар | 18.05.2022 | 15:00
Оҕуруот аһын олордооччуларга саҥа субсидия көрүллүөҕэ
«Развитие овощеводства и картофелеводства» саҥа федеральнай бырайыак чэрчитинэн субсидия бэриллэр буолуоҕа. Манан дьоҕус уонна орто предпринимателлэр, маны сэргэ, “самозанятайдар” уонна кэтэх хаһаайыстыбалаах дьон эмиэ туһаныахтарын сөп. Ол курдук, судаарыстыба хортуоппуйу уонна да атын оҕуруот аһын олордуунан дьарыктанар оҥорон таһаарааччылары өйүүр миэрэлэри кэҥэтиэҕэ. Бу туһунан уураахха Арассыыйа бырабыыталыстыбатын бэрэссэдээтэлэ Михаил Мишустин...
Ньургуһуну эмкэ туһаныы
Сынньалаңңа | 12.05.2022 | 12:30
Ньургуһуну эмкэ туһаныы
Тоҥ буору тобулан тахсар хорсун сибэкки ньургуһун барахсан олоххо тардыһыытынан, кэрэ көстүүтүнэн эрэ буолбакка, араас ыарыыны эмтиир кыахтааҕынан өбүгэ саҕаттан аатырар. Аныгы үйэ киһитэ ньургуһунан хайдах эмтэниэн сөбүй? Бу туһунан айылҕаттан айдарыылаах норуот эмчититтэн туоһуластыбыт. Юлия Юрьевна Николаева – норуот эмчитэ, “Арчы дьиэтин” иһинэн үлэлиир өбүгэ үгэһин, сиэрин-туомун дьоҥҥо тарҕатар,...
Тааттаҕа музей тэриллиитэ
Куорат олоҕо | 14.05.2022 | 15:00
Тааттаҕа музей тэриллиитэ
Кэлэр сэрэдэҕэ, ыам ыйын 18 күнүгэр, аан дойдуга Музей күнэ бэлиэтэнэр. Быйыл Таатта улууһугар кыраайы үөрэтэр музей тэриллибитэ 77 сыла.   Музей тэриллиитэ норуодунай худуоһунньук И.В. Попов аатын кытта ыкса ситимнээх. Дэгиттэр дьоҕурдаах, хас да экспедицияҕа сылдьыбыт (бастакы Сибиряковскай экспедиция 1894-96 сс.), баай матырыйаалы муспут буолан да буолуо, 1938 с. саҕалаан...
Сааскы Ньукуолун — күөххэ үктэнии өрөгөйө
Тускар туһан | 20.05.2022 | 14:00
Сааскы Ньукуолун — күөххэ үктэнии өрөгөйө
Ыам ыйын 22 күнэ – сааскы Ньукуолун. Кыһыҥҥы Ньукуолун ахсынньы 19 күнүгэр бэлиэтэнэр (День святого Николая Чудотворца) Таҥара дьиэтин  бырааһынньыга.   Саха дьонугар былыр-былыргыттан сааскы Ньукуолун күнэ олус ытыктанар, улахан суолталаах, күүтүүлээх. Бу күн уһун кыһыны этэҥҥэ туораан, күөххэ үктэнии үөрүүтэ-өрөгөйө буолар. Мөккүөрдээх соҕус да буоллар, бу күнү сорохтор өссө саха...