27.12.2019 | 10:35

ҮРҮҤ КЫРЫЫСА СЫЛА ҮҮННЭ!

ҮРҮҤ КЫРЫЫСА СЫЛА ҮҮННЭ!
Ааптар: Киин Куорат

2019 сылга илиҥҥи халандаар бары бэлиэлэрин туох күүтэрий? Хас биирдиибитигэр саҥа сыл тугу бэлэмнээтэ? Бу туһунан сылларынан уонна ыйдарынан эһиэхэ анаан, үгэс буолбут, гороскоппутун бэлэмнээтибит.

КЫРЫЫСА

(1912, 1924, 1936, 1948, 1960, 1972, 1984, 1996, 2008 сыллар)

Сыл хаһаайката, биллэн турар, бэйэтин бэрэстэбиитэллэрин үтүө хараҕынан көрүө. Кырыысаларга тула буолар сабыытыйалар үөрүүнү эрэ аҕалыахтара.

Үлэҕэр хамнаһыҥ үрдүүрүгэр үчүгэй кыахтар үөскүөхтэрэ. Өскөтүн үлэҥ чуҥкук буоллаҕына, идеяларгын уонна бырайыактаргын олоххо киллэрэргэ дьулус. Актыыбынай буолууҥ бу сылга быһыыны-майгыны үтүө өттүгэр эргитиэхтэрэ. Кылаабынайа сүрэҕэлдьээмэ, дьыбаантан туран аан нөҥүө таҕыс, онно эйигин ситиһии эрэ күүтүө.

Маны таһынан 2020 сылга бырааһынньык үксүөҕэ, доҕотторуҥ онно-манна ыҥырыахтара, ханна эрэ айанныаххын сөп.

Урут бырахпыт, умнубут дьарыктаргын төннөрүөххүн сөп. Холобур, торт оҥоруутунан дьарыктана сылдьыбыт буоллаххына, билигин онтон харчыланыаххын, хамнастаныаххын сөп.

Бу сыл баҕа санааларын сырсар, толорон тэйэр Кырыысаларга олус үчүгэй, ситиһиилээх буолуо. Саамай үтүө ыйдарыҥ ыам уонна атырдьах ыйдара, манна туох эрэ бэлиэ көрсүһүү тосхойуо.

ОҔУС

(1913, 1925, 1937, 1949, 1961, 1973, 1985, 1997, 2009 сыллар)

Оҕустарга 2019 сыл бүтэһик ыйдара сылаалаах соҕус этилэр, онон саҥа сыл саҕаланыыта күүстэрэ өһүллүөн сөп.

2020 сылга карьераҕа болҕомтоҕутун ууруҥ, ситиһии кэлэригэр олус үчүгэй саҕахтар бааллар, дуоһунаскыт үрдүөн эбэтэр дьоһун дьону кытта көрсүөххүтүн сөп.

Хаспахха хаайтаран олорумаҥ, дьиэ кэргэҥҥитин кытта сынньаныҥ, айаҥҥа турунуҥ, тэрээһиннэргэ сылдьыҥ.

Саҥа сылга соһуччу үп-харчы киириэ, дьылҕаҕыт бэлэх уунуо. Доҕордоһуу сүрүн суолтаны ылыа, көмө да кэлиэ. Оҕустар тыастаах-уустаах хампаанньаны сөбүлээбэтэллэр да, доҕотторгутун кытта сибээскит бөҕөргүүрүн иннигэр сибээскитин тута сылдьыҥ. Кинилэргэ үтүө сүбэ, эрэллээх сарын олус наада буолуо.

БААБЫР

(1914, 1926, 1938, 1950, 1962, 1974, 1986, 1998, 2010 сыллар)

2019 сыл түмүгэ Баабырдарга олус элбэх бырайыактары, соруктары сүктэрбитэ. Онон Кырыыса сылыгар олус сэрэхтээх буолуҥ, хамсаныыларгытын барытын үчүгэйдик былааннааҥ.

Айар кыаххытын уонна толкуйгутун кэлэр сылга туһаныаххытын наада. Үлэҕитин сөбүлээбэт буоллаххытына, уларытаргыт уустуктардаах буолуо.

Ол эрэн, соһуччу дьоллоох түгэннэр тосхойуохтара, ону туһамматаххытына, тута сүтэн-иҥэн хаалыахтара.

Холку уонна толкуйдаах буолуҥ, барытыгар тыҥыраххытын көрдөрө сылдьымаҥ, оччотугар 2020 сыл элбэх ситиһиини аҕалыа.

От ыйыттан алтынньыга диэри таптал кутаа уотугар куустарыаххытын сөп.

КУРУОЛУК

(1915, 1927, 1939, 1951, 1963, 1975, 1987, 1999, 2011 сыллар)

2019 сыл бүтэһигэр харчыгытын уҥа-хаҥас ыһа сылдьыбыт буоллаххытына, 2020 сылга үп-харчы боппуруоһугар ыарахаттары көрсүөххүтүн сөп.

Ол да буоллар саҥа сыл бэһиэлэй, тапталга ситиһиилээх, доҕотторгутун кытта үтүө сыһыаннаах буолара күүтүллэр. Олоххор дьолгун булуоххун сөп.

Үтүө санаалаах Куруолуктар буола сатааҥ, тоҕо диэтэххэ сыл ортотугар хоп-сип тарҕанан настарыанньаҥ алдьаныан син.

Дьиэҥ уонна дьиэ кэргэниҥ бастакы миэстэҕэ тураллар – эрэллээх тыыл, араас сабыытыйалартан сынньанар сириҥ буолуохтара.

Муус устарга уонна алтынньыга соһуччу айан эбэтэр олоххор чаҕылхай кэмнэр тосхойуохтара.

ДРАКОН

(1916, 1928, 1940, 1952, 1964, 1976, 1988, 2000, 2012 сыллар)

Олохтон барытын ылар, баҕа санааҕыт туолар сыла үүнүүһүк. Сылгыт дохсун өрүс курдук ааһыа, киириилээх-тахсыылаах буолуо, ол дьолу уонна ситиһиини аҕалыа.

Драконнары айан күүтэр, онуоха эрдэттэн бэлэмнэнэн, докумуоннаргын көрө-истэ сылдьыыһыккын.

Карьера боппуруоһугар үрдүк соло эбэтэр үлэлии сылдьар сиргэр астыныы, дуоһуйуу күүтэр.

Дьиэ кэргэннээх Драконнарга дьикти түгэннэр, эниэргийэҕин чөлүгэр түһэрэр хардыылар күүтэллэр.

Өскөтүн эһиги харчыгын ааҕан-суоттаан туттар, мээнэ бараабат буоллаххытына, сылгыт дьикти дьоллоохтук ааһыа.

Кулун тутартан ыам ыйыгар диэри үлэҕитигэр үрдүүргүтүгэр бастыҥ кыахтар күүтэллэр.

МОҔОЙ

(1917, 1929, 1941, 1953, 1965, 1977, 1989, 2001, 2013 сыллар)

Ааһан эрэр сылга олус актыыбынай буолаҥҥыт, араас тэрээһиннэргэ, көрсүһүүлэргэ кэмэ суох сылдьаҥҥыт сылайа быһыытыйбыккыт. Хомуллуҥ уонна куттанымаҥ, Кырыыса сылыгар дьыалаҕыт барыта табыллыа. Онуоха сөптөөх миэрэлэри тутуһуоххутун наада.

Баҕа санааҕыт барыта туолан иһиэҕэ, санаан да көрбөтөх кыахтаргыт баар буолуохтара.

2020 сылга Моҕойдор харчы боппуруоһугар сэрэхтээх буолуҥ, барытын ааҕа-суоттуу сылдьыҥ.

Үлэҕэр ситиһии кэлэрин туһуттан салайааччы өттүттэн өйөбүл наада буолуо. Онуоха эн булугас өйүҥ, сыыдам сырыыларыҥ туһалыахтара.

ДЬӨҺӨГӨЙ

(1918, 1930, 1942, 1954, 1966, 1978, 1990, 2002, 2014 сыллар)

2020 сылга тохтоло суох үлэлиэҥ, кыра мэһэйдэр, долгуйуулар баар буолуохтара.

Ол эрэн Дьөһөгөй оҕото бэйэтигэр эрэллээх буолуохтаах. Бу сыл сабыытыйаларыттан элбэх уопут мунньунуоҥ, ханнык баҕарар ыйытыыларга сөптөөх хоруйу булуоҥ.

Дьыалаҕын уонна сыалгын үчүгэйдик былааннаатаххына, суолгуттан туоруоҥ суоҕа. Олоххун чэпчэтэргэ доҕотторуҥ сүбэлэрэ, көмөлөрө кэлиэхтэрэ, онон кинилэри истэ сырыт.

Кулун тутарга уонна атырдьах ыйыгар айан, туох эрэ дьикти түгэн ситиһии кэлэригэр кыах биэриэхтэрэ.

КОЗА

(1919, 1931, 1943, 1955, 1967, 1979, 1991, 2003, 2015 сыллар)

Коза олус хомуллуулаах, онон Кырыыса сыла ситиһиилээх буолуо. Оттон талааҥҥытын олоххо киллэрэргитигэр бу сыл саҥа саҕахтары арыйыа. Сулумах сылдьар бэлиэлээхтэр соһуччу тапталгытын көрсүөххүт.

Оттон үлэҕэр бэриниилээх уонна үлэҕин таптыыр буоллаххына карьера кирилиэһигэр үрдүгү дабайыаҥ.

Маны таһынан 2020 сылга кырачаан киһи эбиллиэн сөп диэн сулустар мэктиэлииллэр.

Харчыга сыһыаннааҕы эттэххэ, айар дьоҕургар үлүскэн гонорар төлөнүөн эбэтэр нэһилиэстибэ да ылыаххын сөп.

Оттон атырдьах ыйыгар эрэллээх доҕоргун көрсүөххүн сөп.

ЭБИСИЙЭЭНЭ

(1920, 1932, 1944, 1956, 1968, 1980, 1992, 2004, 2016)

Кырыыса сыла элбэх сабыытыйалары мэктиэлиир. Хас хардыыҥ аайы саҥа таһымҥа тахсан иһиэҥ.

Ситиһии төрдө - айар идеяларга сытар, ону хайдах да сотон кэбиспэккэ суолтаҕа ууруоххун наада. Бу үп-харчы өттүнэн барыһы аҕаларга көмөлөһүө.

Эбисийээнэлэр олус эмоциональнайдар, онон санааҕын кимиэхэ эрэ этиэххин наада – доҕоргор эбэтэр психологка. Көннөрү туохтан тууйулларгын, эбэтэр саамай суолталаах диэбит боппуруоскун. Маннык гымматаххына долгуйууҥ олус дириҥээн хаалыа.

Саҥа сылга “үөрэниэххэ, үөрэниэххэ уонна өссө төгүл үөрэниэххэ” диэн быраабыланы тутус. Өскөтүн саҥаҕа үөрэннэххинэ уонна сыалгын батыстаххына Кырыыса сыла олус кэрэ, үтүөкэннээх уонна умнуллубат сыл буолуо.

Атырдьах ыйыгар, сэтинньигэ уонна ахсынньыга туһалаах билсиһиилэр уонна саҥа доҕоттор күүтэллэр.

БӨТҮҮК

 (1921, 1933, 1945, 1957, 1969, 1981, 1993, 2005, 2017 сыллар).

Кырыыса сылыгар кыракый мэһэйдэр олоххун өссө тупсарыахтара. Бу сылга араас оонньууга киирэн биэримэ, саарбах дьыалаларынан дьарыктаныма. Төттөрүтүн харчыгын ханна эрэ уурдар, оччоҕо туохтан барытыттан көмүскэллээх буолуоҥ.

Үлэтин сөбүлээбэт Бөтүүк саҥа үлэ булара, ону ааһан саҥа таһымҥа тахсара уустуктардаах буолуо.

Олоҕуҥ төһө да бэһиэлэйдик аастар, оту-маһы үрдүнэн сылдьыма. Хоп-сип тарҕанан олоххор охсуу ылыаххын сөп.

Төһө да сылгыт киириилээх-тахсыылаах буоллар Бөтүүктэр үгүс бириэмэлэрин чугас дьоннорун, дьиэ кэргэннэрин кытта атаарыахтара, күүс-уох, бэйэлэригэр эрэл ылыныахтара.

Муус устартан атырдьах ыйыгар диэри ситиһиилээх кэм күүтэр, онуоха ханнык эрэ хайысхаҕа күүскүтүн уураргыт наада.

ЫТ

(1922, 1934, 1946, 1958, 1970, 1982, 1994, 2006, 2018 сыллар)

2020 сылга үлэҕитигэр үрдүк ситиһии күүтэр, байылыат олох, карьера да баар буолуо. Үлэҥ миэстэтэ соһуччу уларыйан эбэтэр дуоһунаһыҥ үрдээн олус үөрүөҥ.

Өссө үбү-харчыны былааннаатаххына, барыстаах дьыаланы тэриниэҥ. Бу сылга дьолгун булуоххун эбэтэр кыра киһи эбиллиэн сөп.

Үтүө түгэннэр күүттэриэхтэрэ суоҕа, сылы быһа ситиһиини тутуоҥ, бу Ыттарга ыарахана суох буолуо.

Туох баар кыаххын-күүскүн уурдаххына саҥа сыл өргө диэри умнуллуо суоҕа.

Бэс ыйыгар уонна алтынньыга таптал уота умайыа – аҥааргын булуоҥ эбэтэр дьиэ кэргэҥҥэр таптал өссө күүскэ умайыа.

СИБИИННЬЭ

(1923, 1935, 1947, 1959, 1971, 1983, 1995, 2007, 2019 сыллар)

2019 сыл бүтэһигэр Сибиинньэ бэлиэлээхтэр олус дьоллоох этилэр, ситиһии, доҕордоһуу, таптал уота күүскэ умайбыта.

Оттон бу  сылга саҥа түһүмэх кэлэр, бу араас уларыйыыны аҕалыа. Оттон Сибиинньэлэр уларыйыыны сөбүлээбэттэр. Ол да буоллар холкутуйуҥ, барытыттан дуоһуйууну ылыҥ, оччоҕо сылгыт ситиһиилээх уонна интэриэһинэй буолуо.

Саҥа сылга дьыалабыай уонна үлэ боппуруостарыгар сэрэхтээх буолуоҥ, дуогабардарга бытархайынан суруллубуту болҕойон ааҕыҥ эбэтэр юристары кытта сүбэлэһиҥ. Бу араас кыһалҕалары туоратыа. Маны таһынан чугас киһигиттэн ураты кимиэхэ да күүскэ эрэнимэ.

Бу сылга тус олоххор элбэх уларыйыы күүтэр, эйигиттэн сөптөөх быһаарыныылар ирдэнэллэр. Доҕотторуҥ көмөлөрө уонна өйөбүллэрэ мэһэйдиэхтэрэ суоҕа.

Ыам уонна атырдьах ыйыгар үлэҕэр таһаарыылаах кэмнэр күүтэллэр.

Сонуннар

Ордук ааҕаллар

Үлэҕэ ыыппытым, состоруулаах кэллэ
Сынньалаңңа | 22.09.2022 | 18:00
Үлэҕэ ыыппытым, состоруулаах кэллэ
Биһиги ыал буолан олорбуппут 20-тэн тахса сыл буолла. Кэргэммин хас хамсаныытын, тыынарын, атаҕын тыаһын, оннооҕор ааны арыйан киирэриттэн настарыанньата уларыйбытын олох ончу курдаттыы билэбин. Ол курдук чугастыыбыт, ол курдук бэйэ-бэйэбитин билсэн, биир сыалай буолбуппут ыраатта. Оннооҕор биир түүлү түһээн турааччыбыт, киэһээҥҥи аһылыкка тугу астыахтаахпытын, тугу сиэхпитин баҕарарбытын тэҥинэн этэн кэбиһэн...
Үлэни, дьиэ кэргэни өрө-тутан – үйэ аҥаара бииргэ
Дьон | 22.09.2022 | 10:00
Үлэни, дьиэ кэргэни өрө-тутан – үйэ аҥаара бииргэ
Быйыл балаҕан ыйыгар Дьокуускайга Саха АССР 100 уонна киин куорат төрүттэммитэ 390 сылларыгар анаммыт «Трудовые династии города Якутска» кинигэ сүрэхтэммитэ. Кинигэни Саха сирин бэчээтин туйгуна Юрий Троев таһаарда, ааптар-хомуйааччы – Матрена Кондратьева.
Үтүө үөрүйэх уонна практикаҕа таба туһаныы
Сонуннар | 22.09.2022 | 11:22
Үтүө үөрүйэх уонна практикаҕа таба туһаныы
Дьокуускай куорат спортивнай үҥкүүгэ тренердэрэ анал үөрэхтээһини көхтөөхтүк ааһаллар уонна бэйэлэрин сатабылларын үрдэтэллэр. Балаҕан ыйыгар ыытыллыбыт үөрэх бу сылга номнуо иккиһин буолла. Тустаах тосхол 2021 сыллаахха бигэргэниэҕиттэн 5 маастар- кылаас ыытылынна.
Саныахха бу ааспыт сайыны
Сынньалаңңа | 23.09.2022 | 18:00
Саныахха бу ааспыт сайыны
Сайыммыт элэс гынан ааспытын өйдөөбөккө да хааллыбыт. Харах далыгар сылдьар дьоммут сынньалаҥнарын хайдах атаардылар? Ким тугу ситистэ, ханна сырытта? Ол туһунан биһиги “сулус” доҕотторбутуттан сурастыбыт.