QR кодунан ханна киирэбит?

Сэтинньи 8 күнүттэн коронавирус дьаҥын утары быһыы туһунан сэртипикээт официальнай докумуон быһыытынан билиниллэр буолла. Сымыйа сэртипикээт оҥостон туһаннахха накаастабыла биир сылга көҥүлү быһыыга тиийэр. QR коду атын киһиэхэ уларсыллыбат – административнай эппиэтинэс уонна 5 тыһ. ыстараап күүтэр. 
Ханнык тэрилтэлэргэ QR кодунан (быһыы ылбыкка эбэтэр ыалдьан аһарбыкка олоҕуран), эбэтэр 72 чаастан уһуна суох ПЦР анаалыһынан, маны таһынан доруобуйа туругунан медотвод ылан киириэххэ сөбүй:
- атыылыыр-саататар кииннэргэ, атыы кииннэригэр, атыы комплекстарыгар;
- косметическай кииннэргэ, парикмахерскайдарга, кэрэ буолуу салоннарыгар, спа-кииннэргэ, массаас кэбиниэттэригэр;
-  баанньыктарга, сауналарга, солярийдарга;
-  турист уонна сынньалаҥ баазаларыгар;
-  хайыһар уларсар сирдэргэ, хайаттан хайыһардыыр пааркаларга;
-  зоопаркаларга;
-  көмпүйүүтэр саалаларыгар;
-  букмекерскай хонтуораларга, тотализатордарга уонна лоторея ыытар тэрилтэлэргэ;
-  гостиницаларга, хостелларга.
QR кода, ПЦР анаалыһа суох, мэдиссиинэ ыспараапкатынан маннык тэрилтэлэргэ киириэххэ сөп:
-    бородуукта маҕаһыыннарыгар;
-    бородуукта атыылыыр ырыынактарга-дьаармаркаларга, кууһунан ас-үөл атыылыыр сирдэргэ;
-  бородууксуйаны таһааран биэрэр атыы сирдэригэр;
-  аһаҕас спорт былаһааккаларыгар, стадионнарга;
- аптекаларга;
-  олох-дьаһах өҥөтүн оҥорор сирдэргэ (химчисткаларга, таҥас-сап, атах таҥаһын өрөмүөннүүр сирдэргэ);
-  cудаарыстыбыннай өҥөлөрү оҥорор тэрилтэлэргэ, бааннарга;
-  сапыраапкаларга, автосервистарга, массыына сууйар сирдэргэ;
-  бэтэринээр клиникаларыгар.
QR коду эбэтэр сэртипикээти кытта бэйэҥ тус докумуоҥҥун (пааспаргын) көрдөрүллэр.
Ыалдьыбыт, эбэтэр быһыы ылбыт туһунан «Госуслуги» саайтка киирэн QR код ылыллар.