09.08.2023 | 17:22

Птицефабрикаҕа оскуола өрөмүөнэ, тиэргэннэри тупсарыы уонна гааска холбонуу

Птицефабрикаҕа оскуола өрөмүөнэ, тиэргэннэри тупсарыы уонна гааска холбонуу
Ааптар: Киин Куорат
Бөлөххө киир

Киин куорат баһылыга Евгений Григорьев ааспыт нэдиэлэҕэ Птицефабрика дьоҕус оройуонугар бара турар үлэни бэрэбиэркэлээтэ. Эриэйдэнэн 19 нүөмэрдээх орто оскуола хапытаалынай өрөмүөнэ, 11 уонна 13 нүөмэрдээх дьиэлэр тиэргэннэрин тупсарыы, элбэх оҕолоохтор кыбаарталларыгар гаас ситимин тардыы үлэлэрэ хабылыннылар.

19-с оскуола өрөмүөнэ графиктан хаалыыта суох баран иһэр

19 нүөмэрдээх орто оскуола хапытаалынай өрөмүөнүн “Уран” ХЭТ ыытар.

Оскуола дириэктэрэ Айсен Иванов кэпсээбитинэн, өрөмүөн  бэлэмэ 90 бырыһыан буолбут, сүрүн үлэ түмүктэммит, графиктан хаалыы суох: “Оскуола хапытаалынай өрөмүөнэ биһиги микрооройуоммутун сэргэхситэр, сайдыытын түстүүр кыахтаах. 15 кабинет толору тэрилиннэ. Өрөмүөн түмүгэр уларыта тутуу баран, эбии икки кабинеттанныбыт, дьоҕус спорт саалата баар буолла”.

Көрсүһүү кэмигэр оскуола салалтата уонна ордук төрөппүттэр кэмитиэттэрин чилиэннэрэ ыытыллыбыт өрөмүөҥҥэ улахан махталларын биллэрдилэр.

Санатан эттэххэ, быйыл Дьокуускайга федеральнай бырагыраама үбүлээһининэн уопсайа 13 оскуолаҕа хапытаалынай өрөмүөн ыытыллар.

Баһылык манна ыытыллыахтаах эбии үлэлэри торумнуур дьаһаллары чуолкайдаста.

Элбэх оҕолоохтор сирдэригэр гаас киирэр

Өссө биир долгутуулаах уонна үөрүүлээх түгэнинэн Птицефабрикаҕа баар элбэх оҕолоохторго бэриллибит сир учаастактарыгар гаас ситимин тардыы саҕаламмыта буолар.

Гаас ситимин тардыыны “Ленагаз” ХЭТ иилээн-саҕалаан ыытар. Үлэлэрин барытын балаҕан ыйын 30 күнүгэр түмүктүүр былааннаахтар. Эриэйдэ кэмигэр гаас тардааччылар кэпсээбиттэринэн, сорох сиринэн сир ситэри ирэрин күүтэллэр эбит, ол да буоллар этиллибит болдьоххо түмүктүөхпүт диэн кытаанахтык эрэннэрдилэр.

Баһылык Евгений Григорьев элбэх оҕолоохтор учаастактарыгар хайаан да суол-иис үчүгэйдик оҥоһуллуохтааҕын тоһоҕолоон бэлиэтээтэ: “Быйыл 103 учаастак күөх төлөн ситимигэр холбонуохтаах. Ону кытта тэҥҥэ киирии суоллары тутуохпут, уопсайа 3 км усталаах суол оҥоһуллуохтаах”.

Тиэргэннэри тупсарыы салҕанар

Тиэргэннэри тупсарыы бырагырааматынан үбүлэнэн, Птицефабрикаҕа быйыл 11 уонна 13 нүөмэрдээх дьиэлэр тиэргэннэрэ оҥоһуллан эрэр.

Бэдэрээтчитинэн бу бырагырааманан Дьокуускайга хас да тиэргэни тупсаҕайдык оҥорон туттарбыт “Основа” ХЭТ буолбут. Тротуардары, бордюрдары, хаххалыыр күрүөлэри, массыына турар сирдэрин оҥоруохтаах, маны таһынан оҕо балаһааккатыгар дьоҕус архитектурнай формалары туруоруохтаах. Ону тэҥэ көҕөрдүү үлэтин ыытыахтаах, ыскамыайкалары, бөх мунньар контейнердары таҥыахтаах.

***

Бэрэбиэркэ түмүгүнэн Евгений Григорьев куорат сайдыытын стратегиятыгар кытыы сирдэри, дьоҕус оройуоннары сайыннарыыга болҕомто булгуччу уурулларын бэлиэтээтэ. Ааспыт түөрт сыл устата Птицефабрика сүрүн суоллара барыта оҥоһулунна, “Уһук Илиҥҥэ 1000 тиэргэн” бырагырааманан тиэргэннэри өрөмүөннээһин салҕанан бара туруоҕа.

Сонуннар

Ордук ааҕаллар

Саха сирин саамай эдэр хапытаана - Дүпсүнтэн сыдьааннаах!
Дьон | 04.04.2024 | 09:00
Саха сирин саамай эдэр хапытаана - Дүпсүнтэн сыдьааннаах!
Өрүскэ, муораҕа, акыйааҥҥа да буоллун, араас идэ барыта баар, ол эрээри саамай биллэр уонна ааттаах-суоллаах – биллэн турар, хапытаан. Кинилэр хорсун сырыыларын, бэйэлэригэр эрэллээхтэрин, ыраах айаннарын туһунан төһөлөөх элбэхтэ аахпыппыт, киинэҕэ көрбүппүт буолуой.
Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.