Психологическай көмө «итии линиятын» түмүгэ таҕыста
![Психологическай көмө «итии линиятын» түмүгэ таҕыста](https://kiinkuorat.ru/wp-content/uploads/2022/12/Vr90JBo15W.jpg)
«Итии линияҕа» дьон ордук туох кыһалҕалаах эрийэрин туһунан брифиҥҥэ Киин дириэктэрэ Владимир Скрябин кэпсээтэ диэн иһитиннэрдэ СӨ Баһылыгын уонна Бырабыыталыстыбатын пресс-сулууспата.
«Элбэх ыйытыы быстах мобилизация бастакы нэдиэлэтигэр ийэлэртэн уонна эдьиийдэртэн, балыстартан киирдэ. Кинилэр долгуйалларын, айманалларын, кыыһыралларын, бэйэлэрин буруйданалларын иһитиннэрдилэр», – диэтэ Киин дириэктэрэ.
Владимир Скрябин эппитинэн, кэнники нэдиэлэлэргэ мобилизацияламмыттар бэйэлэрэ собуоннуур буоллулар. Кинилэр үксүн биир ыйытыылаах сүбэ көрдүүллэр: «чугас дьонум мин туспар долгуйбаттарын курдук тугу гынабын?».
Байыаннай сулууспалаах киниэхэ, кини күүһүгэр эрэнэллэрин, чугас дьоно нус-хас олороллорун билиэхтээх диэн психологтар санаталлар. Ити кини уйулҕатыгар уонна ньиэрбинэй систиэмэтигэр, харысхаллаах сылдьарын, өйөбүллээҕин билэригэр туһалаах.
Санатар буоллахха, гражданнар өрөспүүбүлүкэтээҕи Психологическай көмө киинин «итии линиятыгар» 8-800-100-35-50 нүөмэринэн кыһалҕаларын үллэстэн, сүбэ-ама ылыахтарын сөп (төгүрүк суукканан, анонимнай), сирэй консультацияҕа суруйтарар нүөмэр: 8 (4112) 31-91-09.
Сонуннар
Ордук ааҕаллар
![Мария Мигалкина: «Кэлии сиэмэлэринэн үлүһүйүмэҥ»](/thumbnails/600/300/wp-content/uploads/2024/07/zgV1bKwtkp.jpg)
![Изабелла Попова: Сүрэхпэр сөҥөрбүт дьүөгэлэрим](/thumbnails/600/300/wp-content/uploads/2024/07/08bzwt1DHL.jpg)
![Баһаар буруйдааҕын тыллыаҥ — наҕараада ылыаҥ](/thumbnails/600/300/wp-content/uploads/2024/07/FtpkFiKGrd.jpg)
![Саха сиригэр мелиорация үлэтэ саҕаламмыта 75 сылын туолла](/thumbnails/600/300/wp-content/uploads/2024/07/6LP5o124wA.jpg)