24.03.2022 | 16:00

Промышленнаска оробуочай каадырдар ирдэнэллэр

Промышленнаска оробуочай каадырдар ирдэнэллэр
Ааптар: Киин Куорат

Кулун тутар 22 күнүгэр Ил Дархан Айсен Николаев санкция усулуобуйаларыгар промышленнас тэрилтэлэрин үлэлэригэр сыһыаннаах мунньаҕы ыытта. Бу туһунан Саха Өрөспүүбүлүкэтин Баһылыгын уонна Бырабыыталыстыбатын пресс-сулууспата иһитиннэрдэ.
Мунньахха этиллибитинэн, регион промышленнаһын тэрилтэлэрэ кэккэ уустуктары көрүстүлэр. Ол үксүн тиэхиньикэҕэ уонна туттар тэриллэргэ наадалаах омук сириттэн кэлэр саппаас чаастарга уонна матырыйаалларга сыһыаннаах, итиэннэ сыана үрдээһинигэр уонна кредит ставката үрдээһинигэр.  
«Бастакытынан, бары тэрилтэлэр үлэ эрэсиимин тутуһуохтаахтар. Ити биһиги бастакы сорукпут. Иккиһинэн, инвестиционнай бырагыраамалары оннунан хааллара сатыахха наада», - диэн бэлиэтээтэ Айсен Николаев.
Мунньахха өрөспүүбүлүкэ промышленнаска уонна геологияҕа миниистирэ Максим Терещенко, «Сахатранснефтегаз» генеральнай дириэктэрэ Алексей Колодезников, «АЛРОСА» АХ генеральнай дириэктэрин бастакы солбуйааччы Игорь Соболев, «УК «Колмар» генеральнай дириэктэрэ Артём Лёвин кытыннылар.
Тэрилтэ салайааччылара эппиттэринэн, быйылгы былааннар бары толоруллуохтара. Итини сэргэ, «УК «Колмар» генеральнай дириэктэрэ Артём Лёвин бүгүҥҥү күҥҥэ тэрилтэҕэ оробуочай илии тиийбэтин бэлиэтээтэ. Билигин хампаанньаҕа чох хостооһунугар 1300 үлэ миэстэтэ баар, сылга 6 мөлүйүөн тонна кыамталаах хайаны байытар фабрика тутулуннаҕына өссө 1600 исписэлиис наада буолар.
Айсен Николаев өрөспүүбүлүкэ бырабыыталыстыбатыгар хампаанньаны олохтоох каадырдарынан хааччыйыыны күүһүрдэр, ол иһигэр  өрөспүүбүлүкэтээҕи «Колмар» тэрилтэҕэ исписэлиистэри бэлэмниир соругу туруорда. Итини сэргэ Артём Лёвин чох промышленнаһыгар олохтоох исписэлиистэр киирбэккэ сылдьар миэстэлэригэр Казахстан уонна Кыргызстан оробуочай каадырдарыгар квотаны элбэтэр туһунан этиитэ көрүллүөхтээх. 
Ил Дархан өрөспүүбүлүкэ бырабыыталыстыбатыгар промышленнай хампаанньалар инвестиционнай бырагыраамаларын оннунан хаалларар туһугар дойду уонна регион таһымыгар ылыныллыан сөптөөх быһаарыылары көрөллөрүгэр сорудахтаата. 
Билиҥҥи кэмҥэ промышленнай тэрилтэлэргэ сапчаастары экономиялыыр эрэсиим киллэрилиннэ уонна санкция эрэсиимин өйөөбөтөх дойдуларга оҥоһуллар саппаас чаастар аналогтарын көрдөөһүн ыытыллар. Итини сэргэ РФ территориятыгар баар үлэҕэ  ирдэнэр тэриллэри, сапчаастары, матырыйааллары атыылаһаллар. 
Мунньаҕы түмүктүүрүгэр Ил Дархан Айсен Николаев регион бырабыыталыстыбатыгар тас сибээс министиэристибэтин кытта үлэлэһэн тиэхиньикэни уонна сапчаастары доҕордуу сыһыаннаах омук дойдуларыттан атыылаһарга саҥа логистическай схеманы оҥороллоругар сорудахтаата.

Сонуннар

Ордук ааҕаллар

Оҕуруот аһын олордооччуларга саҥа субсидия көрүллүөҕэ
Сонуннар | 18.05.2022 | 15:00
Оҕуруот аһын олордооччуларга саҥа субсидия көрүллүөҕэ
«Развитие овощеводства и картофелеводства» саҥа федеральнай бырайыак чэрчитинэн субсидия бэриллэр буолуоҕа. Манан дьоҕус уонна орто предпринимателлэр, маны сэргэ, “самозанятайдар” уонна кэтэх хаһаайыстыбалаах дьон эмиэ туһаныахтарын сөп. Ол курдук, судаарыстыба хортуоппуйу уонна да атын оҕуруот аһын олордуунан дьарыктанар оҥорон таһаарааччылары өйүүр миэрэлэри кэҥэтиэҕэ. Бу туһунан уураахха Арассыыйа бырабыыталыстыбатын бэрэссэдээтэлэ Михаил Мишустин...
Ньургуһуну эмкэ туһаныы
Сынньалаңңа | 12.05.2022 | 12:30
Ньургуһуну эмкэ туһаныы
Тоҥ буору тобулан тахсар хорсун сибэкки ньургуһун барахсан олоххо тардыһыытынан, кэрэ көстүүтүнэн эрэ буолбакка, араас ыарыыны эмтиир кыахтааҕынан өбүгэ саҕаттан аатырар. Аныгы үйэ киһитэ ньургуһунан хайдах эмтэниэн сөбүй? Бу туһунан айылҕаттан айдарыылаах норуот эмчититтэн туоһуластыбыт. Юлия Юрьевна Николаева – норуот эмчитэ, “Арчы дьиэтин” иһинэн үлэлиир өбүгэ үгэһин, сиэрин-туомун дьоҥҥо тарҕатар,...
Тааттаҕа музей тэриллиитэ
Куорат олоҕо | 14.05.2022 | 15:00
Тааттаҕа музей тэриллиитэ
Кэлэр сэрэдэҕэ, ыам ыйын 18 күнүгэр, аан дойдуга Музей күнэ бэлиэтэнэр. Быйыл Таатта улууһугар кыраайы үөрэтэр музей тэриллибитэ 77 сыла.   Музей тэриллиитэ норуодунай худуоһунньук И.В. Попов аатын кытта ыкса ситимнээх. Дэгиттэр дьоҕурдаах, хас да экспедицияҕа сылдьыбыт (бастакы Сибиряковскай экспедиция 1894-96 сс.), баай матырыйаалы муспут буолан да буолуо, 1938 с. саҕалаан...
Похуоттуу бардыбыт!
Сынньалаңңа | 14.05.2022 | 15:33
Похуоттуу бардыбыт!
Бу күннэргэ дьиэ кэргэнинэн, кылааһынан похуоттар саҕаланыахтара. Үчүгэй сынньалаҥы көрдөөх бырагыраама киэргэтэр. Сөбүлэһэҕит? Оччоҕуна “Киин куорат” бэлэмнээбит оонньууларын сэргээҥ, сэҥээриҥ!    Хамсаныылаах оонньуулар «Светофор» Хонууга эбэтэр балаһааккаҕа оонньонор. Онно икки уһун сурааһыны тардаҕыт. Бастакы сурааһын кэннигэр кыттааччылар оонньуу саҕаланыытыгар тураллар. Оттон иккис сурааһыҥҥа диэри ыытааччыттан (эккирэтэр киһи) куотан тиийиэхтээхтэр. Бастаан ыытааччыны...