Профсоюз үлэһиттэрин эҕэрдэлээтилэр

Манна даҕатан эттэххэ, быйыл алтынньы 27 күнүгэр, Саха сирин Профсоюһун федерацията уонна Олохтоох дьаһалта бииргэ үлэлээһин  туһунан үс сыллаах сөбүлэҥи баттаспыттара.

Бырааһынньыктааҕы тэрээһиҥҥэ Олохтоох дьаһалта үлэ харыстабылыгар салаатын начаалынньыга, Куорат профсоюһун холбоһугун бэрэссэдээтэлэ  Варвара Левочкина кылгас отчуоту иһитиннэрдэ.

«Быйыл структурабытын уларытан, куорат уокуругун бэйэни салайыныы уорганнарын уонна муниципальнай тэрилтэлэрин профсоюзтарын холбоһугунан буоллубут. Профсоюзпут бэйэни салайыныы үс уорганын түмэр – ити Олохтоох дьаһалта, Дьокуускай куораттааҕы Дуума уонна Хонтуруоллуур-суоттуур паалата. Итиэннэ дьаһалта структурнай салаалара, Пригороднай сэлиэнньэтин дьаһалтата киирэллэр», – диэн кэпсээтэ Варвара Артуровна.

Профсоюз тэрилтэтэ байыаннай эпэрээссийэҕэ көмөнү оҥорор. Ол курдук, алтынньы ыйга аһымал дьаарбаҥканы тэрийэн, 370 272 солкуобайы «Кыайыы» куораттааҕы пуондаҕа тиксэрбитэ.

Үөрүүлээх күнүнэн профсоюз үлэһиттэрин уонна чилиэннэрин РФ судаарыстыбаннай тэрилтэлэрин Саха сиринээҕи Профсоюһун бэрэссэдээтэлэ Вячеслав Алексеев уонна  Дьокуускай куораттааҕы Дуума Бэрэссэдээтэлин бастакы солбуйааччыта Евдокия Евсикова эҕэрдэлээтилэр.