03.10.2020 | 12:24

ПРИЮККА 350 ЫТ БААР

ПРИЮККА 350 ЫТ БААР
Ааптар: Киин Куорат

Бэйдиэ сылдьар кыыллар тустарынан иһитиннэриилэри биир кэлим диспетчерскэй сулууспа (ЕДДС) дьуһуурунайдара туталлар. Төл.: 44-42-29

“Хаһаайына суох кыыллары быстах кэмҥэ көрөр-истэр пуун”, норуокка биллэринэн, “Кыыллар приюттарын” үлэһиттэрэ кэпсээбиттэринэн, күн аайы кинилэргэ 30-ча ыты тутан аҕалаллар. Билигин приюкка 348 ыт баар.

Ыты тутуунан анал биригээдэ дьарыктанар. Бэйдиэ сылдьар ыттары тиэйэр анал оҥоһуулаах массыына ЕДДС-ттан кэлэр сайаапкаларынан үлэлиир. Бэйдиэ сылдьан дьоҥҥо кутталы үөскэппит ыттары тутан аҕалан араас быһыылары туруораллар уонна чип кэтэрдэллэр. Эмтээн, стерилизациялаан баран босхо ыыталлар.

Куоскаларынан билиҥҥитэ дьарыктамматтар. Мантан кыһын куоскалары тутар кыахтаныахтара.

Санатан эттэххэ, быйылгыттан Арассыыйаҕа кыылга-сүөлгэ эппиэтинэстээх сыһыаны өссө кытаанахтык ирдиир, икки атахтаах түөрт атахтааҕы кытта сыһыанын атын таһымҥа таһаарар саҥа сокуон олоххо киирдэ. Аны бырах сылдьар ыттары өлөрүү бобулунна.

Дьон олоҕор сэрэхтээх, кутталынан суоһуур кырыктаах ыттары тыыннаахтарын тухары тутар, көрөр-харайар приюттар тэриллиэхтээхтэр. Оттон тулалыыр эйгэҕэ, дьоҥҥо соччо куттала суох кыыллары стерилизациялаан, вакцинациялаан, анал чип кэтэрдэн баран босхо ыытыллыахтаах… Бу барыта улахан  үбүлээһини эрэйэр.

ЫРААС, БЭЛЭМ ЫТЫ БУОР БОСХО ИИТЭ ЫЛЫАХХА СӨП

Даача сезона бүтэн, дьон сайын устата оонньуур курдук оҥостон, ыт оҕотун иитэн баран, күһүн аҕалан туттаран кэбиһэллэр диэн пуун үлэһиттэрэ хом санаалаахтар. Ол иһин билигин приюкка ыт ахсаана олус элбээн турар. Ыты ылардааҕар, аҕалан туттарар дьон ахсаана элбэх.

“Хаһаайына суох кыыллары быстах кэмҥэ көрөр-истэр пуунтан” ким баҕарар түөрт атахтаах доҕор оҥостор ытын буор босхо талан ылыан сөп. Ыттар бары быһыылаахтар, доруобайдар, саҥа хаһаайын пааспардаах кэлэн талбыт ытыгар чип туруортарар.  

“Хаһаайына суох кыыллары быстах кэмҥэ көрөр-истэр пуун”  аадырыһа: Очиченко уул., 57.

Бэнидиэнньик-оптуорунньук – санитарнай күннэр, дьону киллэрбэттэр.

Онтон атын күннэргэ пуун сарсыарда 09.00 чаастан күнүс 16.00 чааска диэри үлэлиир.

Ыттарга аһылыгынан көмөлөһүөн баҕалаах дьонтон ханнык баҕарар ас көрүҥүн ылаллар. Араас хааһыны буһарар куруппа, эт, балык  кэнсиэрбэтэ уонна да атын ас барсар. 

Маны тэҥэ, кыһын чугаһаан эрэринэн сибээстээн, таһырдьа сытар ыттарга сылаас буудкалар наадалар. Былырыын оскуола оҕолоро технология уруогар ыт дьиэлэрин тутан бэлэхтээбиттэрэ, быйыл эмиэ оннук гыналлара буоллар диэн эрэнэллэр. Ордук улахан алабайдарга табыгастаах буудка көстөн биэрбэт эбит. Кыһын куоскаларга сытар сыттыктар, сымнаҕас оонньуурдар наадалар.

Сонуннар

Ордук ааҕаллар

Дойдууна: «Сулус — халлааҥҥа, киһи — сиргэ»
Дьон | 17.07.2021 | 13:00
Дойдууна: «Сулус — халлааҥҥа, киһи — сиргэ»
Кинини  айылҕаттан ураты экстрасенс, сүппүт дьону булааччы быһыытынан сахалар эрэ буолбакка, өрөспүүбүлүкэ тас өттүгэр олорооччулар эмиэ билэллэр. Бүгүҥҥү кэпсиир дьоруойум “Саха сирин экстрасенстара – 2015” күрэххэ “Лучший экстрасенс Якутии” ааты сүкпүт ДОЙДУУНА. Дойдууна элбэх оҕолоох ыалга төрөөбүтэ, кинилэр бииргэ төрөөбүт тохсуолар. Хаҥалас улууһа киинэ түспүт, сиргэ үктэммит дойдута буолар. Ийэтэ...
Больничнай 100 бырыһыан төлөнөр буолла
Тускар туһан | 18.07.2021 | 11:30
Больничнай 100 бырыһыан төлөнөр буолла
8 саастарын туола илик оҕолор ыарыйдахтарына бэриллэр бүлүтүөн  төлөнүүтэ дьэ уларыйда.  Балаҕан ыйын 1 күнүттэн 8-тарыттан кыра саастаах оҕо ыарыйдаҕына, төрөппүтүгэр “больничнай илиис” төлөбүрэ хамнас 100%-гар тэҥнэһиэҕэ. Билигин бу төлөбүр үлэ ыстааһыттан эрэ тутулуктаах. Эдэр төрөппүттэр ыстаастара кыра буоллаҕына, «больничнай илиис» төлөбүрэ хамнастарынааҕар төһө эмэ кыра буолар.  “Больничнай” төлөбүрүн үрдээһинэ...
Кириэмили кытта хамсатан...
Спорт | 29.07.2021 | 10:38
Кириэмили кытта хамсатан...
Үс саха Монреаллааҕы өрөгөйүн үөрүүтүн 45 сылынан уруй-айхал!!!
Аан дойду 2021 — чемпионката
Спорт | 22.07.2021 | 18:28
Аан дойду 2021 — чемпионката
Бу күннэргэ улаханнык үөрдүбүт Матрена Ноговицынаны кытта 100 харахтаах дуобакка аан дойду чемпионката буолбутунан төлөпүөнүнэн  эҕэрдэлээн интервью ыллым. Матрёна Ноговицына – 1991 с. сэтинньи 6 күнүгэр Чурапчы улууһугар Мугудайга төрөөбүтэ.  64-100 харахтаах дуобаттарга  араас саастаахтарга  аар-саарга кыайыыларын аахпакка, аҥаардас 100 харахтаах дуобакка дьахталларга эрэ ситиһиилэрэ маннык: 2004 сылтан  Арассыыйа дьахталларга...