Пригороднай бөһүөлэгэр спорт балаһаакката баар буолла

Саха Өрөспүүбүлүкэтин Судаарыстыбаннаһын күнүн чэрчитинэн Пригороднай бөһүөлэгэр воркаут-балаһаакка арылынна. 
Бэлиэ түгэнинэн бөһүөлэк олохтоохторун Олохтоох дьаһалта физическэй култуураҕа унна спорка управлениетын начаалынньыга Эдуард Ефимов уонна бөһүөлэк дьаһалтатын салайааччыта Василий Пинигин эҕэрдэлээтилэр.

Санатар буоллахха, воркаут-балаһаакка «2020-2024 сылларга Дьокуускай куорат сиригэр-уотугар аныгы куорат эйгэтин тэрийии» муниципальнай бырагырааманан олоххо киирдэ. Бу бырагыраама куорат нэһилиэнньэтэ чөл олоҕу тутуһарын, физическэй култууранан уонна спордунан дьарыктанарын көҕүлүүр сыалтан оҥоһуллубут «Спортивнай воркаут-балаһааккалары оҥоруу уонна тупсарыы» бырайыагынан 2020 сылтан Дьокуускай куоракка уопсайа 35 воркаут-балаһаакка туруорулунна, диэн иһитиннэрэр Олохтоох дьаһалта пресс-сулууспата.

Хаартыскалар: Олохтоох дьаһалта саайтыттан