Предпринимателлэри өйүүр өҥөлөргө күрэх саҕаланна

«Мой бизнес» киин дьоҕус предпринимательство эйгэтигэр бэйэ дьыалатын сайыннарыыга уонна кэҥэтиигэ туһаайыллар босхо өҥөлөрү биэриигэ куонкурус бэрээдэгинэн талыы саҕаламмытын биллэрэр.

Билигин үлэлии сылдьар бэйэ дьыалатын олоххо киллэрбит предпринимателлэр “Мой бизнес” киин көмөтүнэн бородууксуйаларын/өҥөлөрүн туһунан декларацияны толоруохтарын; реклама уонна полиграфия сакаастыахтарын; билбордарга, сити-форматтаах эбэтэр оптуобус тохтобулларыгар рекламаларын таһаарыахтарын; сайт, бренд-бук уонна бизнес-былаан оҥостуохтарын сөп. Оттон “Самозанятай” статустаах предпринимателлэр үлэлэрин рекламалыыр видеоролик устуохтарын, табаардарын рекламалыыр бородууксуйаны оҥорторуохтарын, бизнес-былаан оҥостуохтарын сөп.

Күрэх муус устар 19 күнүттэн саҕаланна. Миэстэ ахсаана хааччахтаах!

Бу өҥөлөр “Дьоҕус уонна орто предпринимательствоны уонна предпринимателлэр саҕалааһыннарын өйөөһүн” Национальнай бырайыагы олоххо киллэрии чэрчитинэн ыытыллар.

Бэйэ бизнеһин салайыыга сыһыаннаах уонна туох ханнык өйөбүллэр баалларын туһунан ыйытыыларга “Мой бизнес” киин хоруйдуурга бэлэм:

– Босхо үлэлиир быһа линия: 8-800-100-58-80;

portal.b14.ru – СӨ предпринимательствотын порталыгар «Линия прямых обращений» диэн салааҕа;

Бассаабынан: 8-924-873-00-97.