25.05.2020 | 10:19

Предпринимателлэргэ ирдэбил кытаатта

Предпринимателлэргэ ирдэбил кытаатта
Ааптар: Киин Куорат
Бөлөххө киир

Коронавируһу уодьуганныырга тэриллибит Дьокуускай куораттааҕы суһал штаб иһинэн тэриллибит бөлөх атыы-эргиэн, уопсастыбаннай аһылык тэрилтэлэригэр күннэтэ бэрэбиэркэлэри ыытар.

Кулун тутар 24 күнүттэн ыам ыйын 24 күнүгэр диэри барыта 682 эбийиэккэ бэрэбиэркэ буолан ааста. 345 быраабыланы кэһии бэлиэтэннэ, 119 боротокуол толорулунна, ол иһигэр 102 быраабыланы кэһии докумуоннанан СӨ Предпринимательство уонна туризм министиэристибэтигэр ыытылынна. 226 сэрэтии бэрилиннэ.

Рейдэлэр кэмнэригэр сүрүннээн атыыһыттар мааска, бэрчээккэ кэппэт буолуулара, уочараты бэрээдэктиир бэлиэ суоҕа, социальнай тэйиччи туттууну тэрийбэт буолуу, көҥүлэ суох эрээри үлэлээһин бэлиэтэннэ.

Административнай хамыыһыйа бэрэссэдээтэлэ Феликс Антонов: “Бу рейдлэр кэннилэриттэн түмүктээн эттэхпинэ, куорат олохтоохторун доруобуйаларын харыстаабат буолуу наар биир тэрилтэлэргэ хатыланар. Хонтуруол кэмигэр барытын тутуһуох, ирдэбиллэри толоруох буолаллар эрээри, салҕыы быраабыланы кэспитинэн үлэлии турааччылар бааллар. Маныаха административнай миэрэлэри ыларга боломуочуйалаах уорганнарга иһитиннэрэбит”.

Ааспыт өрөбүлгэ быраабыланы кэһи 3 атыы-эргиэн туочукатыгар булулунна. Ол курдук, ирдэбиллэри “Бубль-Гум” гипермаркет, «Best» уонна  «Вавилон» атыы-эргиэн кииннэрэ толорботохтор.

Куораттааҕы суһал штаб предпринимателлэргэ иһитиннэрэринэн, атыы-эргиэн үлэһиттэрэ булгуччу мааска, бэрчээккэ кэтиэхтээхтэр. Атыылаһааччылар мааскалаах буолалларын ирдиэхтээхтэр, элбэх дьон тоҕуоруһуутун таһаарыа суохтаахтар уонна 4 кв. м. 1 атыылаһааччы буоларын хааччыйыахтаахтар.

Ытыктабыллаах Дьокуускай олохтоохторо, маасканы кэтии эрэһиимин кэһэр, быраабылалары тутуспат маҕаһыыннар, оптуобустар уонна да атын тэрилтэлэр тустарынан олохтоох дьаһалтаҕа 31-90-90 нүөмэргэ эрийэн биллэриҥ!

Сонуннар

Ордук ааҕаллар

Саллаат таҥарата — ийэтэ, кэргэнэ
Сонуннар | 08.03.2024 | 09:30
Саллаат таҥарата — ийэтэ, кэргэнэ
Наталья Андреевна Охлопкованы анал байыаннай дьайыыга сылдьар уолаттар олус убаастыыллар, ытыктыыллар, олох дьоруой курдук саныыллар диэни истэн баран, булан кэпсэтэргэ санаммытым уонна, чахчы да, дьоруойдар тыылга эмиэ бааллар эбит диэн санааҕа кэллим.
Хатаска саҥа спорт комплекса арылынна
Сонуннар | 13.03.2024 | 14:09
Хатаска саҥа спорт комплекса арылынна
Хатас урут даҕаны, билигин даҕаны чөл-чэгиэн дьонунан тутахсыйбатаҕа. Ол гынан баран ол туһугар усулуобуйа наадатын бары да өйдүүбүт. Иллэрээ күн, кулун тутар 12 күнүгэр, баҕа санаа туолара маннык эбит диэххэ диэри сабыс-саҥа “Дьулуур” спорт комплексын киэҥ уораҕайа аанын тэлэччи арыйда. Этиллибит кэмҥэ дьон устар сүүрүктүү хотоҕостуу субуллан, 400 миэстэлээх саала...
Норуот эмтиэкэтэ
Тускар туһан | 08.03.2024 | 12:00
Норуот эмтиэкэтэ
Аныгы үйэ буолан үгүспүт социальнай ситимнэри ааҕар, туттар, кэтиир-маныыр. Манна наадалаах, туһалаах сүбэлэр хото суруллаллар. Ону биһиги бүгүн ааҕааччыларбытыгар дьиҥнээхтии көмөлөспүт дьон суруйбуттарын, айылҕалаахтар да эппиттэрин көрөн бэчээттиэхпит. Ол эрээри, барытын туттан, туһанан испэккитигэр сүбэлиибит, бэйэҕит эккит-сииҥҥит тугу ирдиирин, быраас сүбэтин тутуһаргыт ордук.   Куртах бааһын (язва) оһордор ас туһунан Устудьуоннуу...
Утуйуу хаачыстыбата улахан суолталаах
Сонуннар | 15.03.2024 | 14:00
Утуйуу хаачыстыбата улахан суолталаах
Кулун тутар 15 күнүгэр Аан дойдутааҕы Утуйуу күнэ бэлиэтэнэр. ВОЗ статистикатынан, нэһилиэнньэ 10-30% кыайан утуйбакка (бессонница) эрэйдэнэр, сорох дойдуларга ити көрдөрүү 50−60%-ҥа тиийэр.