Предпринимателлэр мобилизацияламмыттар саҥа төрөөбүт оҕолоругар көмөнү оҥордулар
Дьокуускай куорат предпринимателлэрэ «Анал байыаннай эпэрээссийэ кыттыылаахтарын саҥа төрөөбүт оҕолоругар көмө» диэн аахсыйаны ыыттылар. Бу туһунан Олохтоох дьаһалта пресс-сулууспата иһитиннэрдэ.
Бырайыак олоххо киириитигэр предпринимателлэргэ Управалар үлэһиттэрэ көмөлөстүлэр, кинилэр көмөҕө наадыйар дьиэ кэргэттэр испииһэктэрин оҥордулар.
Саҥа төрөөбүт оҕолорго саамай наадалаахтарын тиксэрдилэр: памперстары, оҕо аһылыгын, эмптэри.
Социальнай аахсыйа көҕүлээччитэ уонна тэрийээччитэ – Василий Гоца уонна кини хамаандата. Тэрээһин СӨ Ыччатын бырабыыталыстыбатын куонкуруһун III түһүмэҕин чэрчитинэн ыытылынна.
Сонуннар
Ордук ааҕаллар



