Полиция хонтуруола күүһүрэр, мааска кэтии булгуччулаах

Дьокуускайга эпидемиологическай балаһыанньа бүтэһик икки күҥҥэ мөлтөөтө. Онон хааччахтааһын эрэһиимэ күүһүрэр. Уопсастыбаннай сиргэ мааска кэтиллэрэ булгуччулаах. Маҕаһыыннар, атыы-эргиэн кииннэрэ мааската суох атыылаһааччылары киллэриэ суохтаахтар. Оптуобуска мааската суох дьону таһар көҥүллэммэт.

Ону кытта полиция хонтуруола күүһүрдэ. Быраабыланы кэһэр дьону ыстарааптыахтара.

Бэйэ изоляциятын кэмигэр саастаах дьон дьиэҕэ олороллоро наада. Маны таһынан, ыалдьыбыт дьон ахсааныттан 16 бырыһыана оҕолор буоларын өйдүөхтээхпит.  Бу ыарыыга оҕо сыстыбат дии саныыр сыыһа.

Хааччаҕы устууну эбэтэр сымнатыыны өрөспүүбүлүкэҕэ ыалдьыбыт дьон ахсааныттан көрөн быһаараллар. Дойду үрдүнэн изоляцияттан сыыйа тахсан эрэр эбит буоллахтарына, биһиги өрөспүүбүлүкэбитигэр коронавируһунан сутуллар дьон ахсаана күн-түүн элбээн иһэр.