06.06.2024 | 14:00

Подъезкын сууйбаттар? Үҥүс!

Подъезкын сууйбаттар? Үҥүс!
Ааптар: Киин Куорат
Бөлөххө киир

СӨ Судаарыстыбаннай тутууга уонна дьиэни-уоту хонтуруоллааһыҥҥа управлениетын салайааччыта Павел Аргунов быһа эпииргэ салайар хампаанньалар элбэх кыбартыыралаах дьиэлэр подъезтарын сууйбат-соппот эбэтэр графиктарын тутуспат түгэннэригэр киһи ханна, хайдах үҥсүөхтээҕин сиһилии кэпсээтэ.

«Бастаан салайар хампаанньаҕа этиллиэхтээх. Сайаапканы тылынан эбэтэр суругунан биэриэххэ сөп. Суругунан ордук диэн сүбэлиибин, оннук хонтуруоллуурга үчүгэй. Онно салайар хампаанньа уон күн устата суругунан хоруйдуохтаах. Өскөтүн оннук гымматаҕына, биһиэхэ үҥсэн, подъеһы сууйбаттарын, ону тэҥэ сурукка сокуонунан бигэргэтиллибит болдьоххо хоруйдаабатахтарын иһин эппиэккэ тардыаххытын сөп», – диэтэ кини.

Павел Аргунов подъезд кирдээҕин туһунан аакта толоруллуохтааҕын эттэ. Биллэн турар, салайар хампаанньа маннык аактаны толорбот уонна илии баттаабат буола сатыаҕа диэтэ. Кини этэринэн, аактаны икки интэриэһэ суох киһини кыттыһыннаран, бэйэҥ да толоруоххун сөп, оччоҕуна докумуон юридическай өттүнэн күүстээх буолар. Аактаҕа өҥө хаһааҥҥыттан хаачыстыбата суох оҥоһулларын (эбэтэр олох да оҥоһуллубатын) ыйыллыахтаах, оччоҕуна биирдэ салайар хампаанньаттан перерасчет ааҕылларын ситиһиэххэ сөп.

«Өскөтүн салайар хампаанньа онтон аккаастанар буоллаҕына,    СӨ Судаарыстыбаннай тутууга уонна дьиэни-уоту хонтуруоллааһыҥҥа управлениетыгар үҥсүөххэ эбэтэр суукка биэриэххэ сөп», – диэн тоһоҕолоон эттэ Павел Аргунов.

Сонуннар

Ордук ааҕаллар

Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
“Сүүрэр суолга – Владимир Слепцов!”
Спорт | 18.06.2024 | 14:15
“Сүүрэр суолга – Владимир Слепцов!”
Спорт көрүҥнэриттэн биир бастыҥнара уһун сиргэ сүүрүү. Ырааҕы сүүрүүнэн ылбычча киһи дьарыктаммат. Бэйэтин кэмин аатырбыт сүүрүгэ-быһыйа, Саха АССР рекордсмена, стайер уонна марафонец Владимир Слепцову ааспыт үйэ 60-80 сылларын дьоно үчүгэйдик өйдүүр-билэр. Быйыл рекорд олохтообута лоп-курдук 50 сыла. Аҕаларын, эһэлэрин кэриэстээннэр оҕолоро, сиэннэрэ, бииргэ төрөөбүт балта  Людмила Пантелеймоновна, быраата Артем Пантелеймонович...
ЭкоБизнес —  Айылҕаҕа харыстабыллаах  сыһыаҥҥа тирэҕирэн
Дьон | 14.06.2024 | 14:00
ЭкоБизнес — Айылҕаҕа харыстабыллаах сыһыаҥҥа тирэҕирэн
Дьокуускайга бизнес араас хайысхата сайдар. Олохтоох бородууксуйаны оҥорон атыыга таһаарыы ордук элбэх эбит буоллаҕына, туризм курдук өҥөнү оҥорор предпринимателлэр тарбахха баттаналлар. Юлиана уонна Захар Алексеевтар элбэх оҕолоох дьиэ кэргэн Дьокуускай таһынааҕы Капитоновка сэлиэнньэтигэр туристическай бизнеһи сайыннаран эрэллэр.   Оҕолор улааттылар диэн саҕалаабыппыт – Биһиги үс уоллаахпыт. Улахаттарбыт 14 саастарын туолбуттарын кэннэ,...
Олоҥхо ыһыаҕар анаан Дьокуускайтан айанныыр паром ахсаана элбэтиллэр
Сонуннар | 14.06.2024 | 10:17
Олоҥхо ыһыаҕар анаан Дьокуускайтан айанныыр паром ахсаана элбэтиллэр
XVII-с өрөспүүбүлүкэтээҕи Олоҥхо ыһыаҕа быйыл бэс ыйын 20-21 күннэригэр Аммаҕа Муона чараҥа айылҕа маанылаах миэстэтигэр ыытыллаары турар.  Ыһыах мааны ыалдьыттарынан өрөспүүбүлүкэ 32 муниципальнай тэриллиититтэн 15 тыһыынчаттан тахса киһи буолуоҕа. Айанньыттарга анаан «Дьокуускай – Аллараа Бэстээх» хайысханан 15 паром сылдьыаҕа, Амма сэлиэнньэтин иһинэн оптуобустар, ыһыах түһүлгэтигэр тиэрдэр шатллар сүүрүөхтэрэ. Түһүлгэҕэ 3...