Подъезкын сууйаллар дуо?

Коронавируһу уодьуганнааһыҥҥа куорат Салайар хампаанньалара, ТСЖ-лар, ону тэҥэ Куорат хаһаайыстыбатын эксплуатациялыыр сулууспа үлэлэрэ быыстала суох бара турар. Бэҕэһээҥҥи күн туругунан, 2424 элбэх кыбартыыралаах дьиэттэн 1356-тыгар дезинфекция оҥоһулунна.

Маҕаҥҥа, Мархаҕа уонна Хатаска дезинфекция былаанын 100 бырыһыан толордулар. Дьокуускайга дезинфекция тэтиминэн Губинскай уокурук инникилээн иһэр (80 %), Киин уонна Октябрьскай уокурук былааннарын ситиһэн эрэллэр.

Уунан сууйуу-сотуу олорор дьиэ 82 бырыһыаныгар оҥоһулунна.

Роспотребнадзор ирдэбилинэн, күҥҥэ иккитэ дьон саамай сылдьар сирэ анал суурадаһынынан дезинфекцияланыахтаах, подъезд нэдиэлэҕэ иккитэ хлордаах уунан сууллуохтаах.

Салайар хампаанньаҕыт эбэтэр ТСЖ дезинфекцияны ыыппат буоллаҕына үҥсүөххүтүн сөп:

ЕДДС -  (4112) 44-42-29, 44-42-51

Гостройжилнадзор -  (4112) 34-50-53, 34-26-44, төл./факс (4112) 34-22-49, эл. почта: ugszhn@sakha.gov.ru.