Паромунан сырыы төлөбүрэ үрдээтэ

Тарыып сылын аайы күн-дьыл туругуттан үрдүүр.

“Алтынньы 21 күнүттэн айан сыаната ыараата. Хойуу муус хайыы-үйэ устар, бу айаҥҥа мэһэйи үөскэтэр”, – диэн “Лентранс” ХЭТ дириэктэрэ Любовь Корнеева иһитиннэрдэ.

Кини бэлиэтээбитинэн, Сыана судаарыстыбаннай кэмитиэтэ быспыт тарыыба, айанньыттарга табыгастаах буоллун диэн намыһах өттүгэр төгүрүтүллэн биэрбит. Холобур, кыра массыыналарга 650-тэн 2900 солкуобайга диэри. “Биһиги сыананы төрдүс сылбытын үрдэппэккэ тутан турабыт”, – диэн кини эбэн эттэ.