Паромунан айаҥҥа терминаллар үлэлээтилэр

Бүгүҥҥүттэн, атырдьах ыйын 1 күнүттэн, Дьокуускай – Аллараа Бэстээх – Дьокуускай хайысханан сылдьар паромҥа киирэр төлөбүр биэрэккэ туруоруллубут терминаллар көмөлөрүнэн оҥоһуллар.
Терминаллар икки биэрэккэ иккиэннэригэр тураллар. «Паромы Якутии» ХЭУо уонна «ЯПК «Платежи» АУо маныаха анаан төлөбүрү оҥорууну ыйар-кэрдэр эппиэттээх үлэһиттэри бэлэмнээбиттэр.
Манна даҕатан этттэххэ, кэлиҥҥи сылларга паромнар причалларыгар инфраструктураны тупсарыыга улахан үлэ ыытылынна – накопителлэр, шлагбаумнар, светофордар, таблолар, видеонан кэтээн көрүү оҥоһулуннулар.
СӨ инфокоммуникационнай технологияларга киинэ инновация министиэристибэтин өйөбүлүнэн оҥорбут «Паромы Якутии» төлөпүөн сыһыарыытын көмөтүнэн паромнар сырыыларын, сылдьар бириэмэлэрин, өҥө сыанатын туһунан бары информацияны ылыахха сөп.
Маны сэргэ «Первая паромная переправа» ХЭУо толору хааччыллыылаах туалет оҥорбута, тырааныспар министиэристибэтин, «Cаха сирин тимир суоллара» хампаанньа уонна Мэҥэ Хаҥалас оройуонун дьаһалтатын күүстэринэн Аллараа Бэстээххэ күүтэр пуун тэриллибитэ кэлиҥҥи сылларга паром өҥөтүнэн туһанар нэһилиэнньэҕэ болҕомто күүһүрбүтүн бэлиэтэ, диэн иһитиннэрэр t.me/mintrans_sakha🔹 телеграм-ханаал.

Хаартыска: Мария Васильева, СИА