Пандемиянан сибээстээн үлэлэрин тохтоппут тэрилтэлэри өйүүр быраабылалар бигэргэтилиннилэр

Эпидемияны утары миэрэлэринэн сибээстээн үлэлэрин тохтоппут дьоҕус уонна орто биисинэс, ону сэргэ социальнай хайысхалаах кэмиэрсийэтэ суох тэрилтэлэр судаарыстыбаттан грант ылыахтарын сөп.  Итинник төлөбүрдэр Быраабылаларын РФ бырабыыталыстыбатын бэрэссэдээтэлэ Михаил Мишустин бигэргэттэ.
Өйөбүл миэрэтэ 2021 сыл атырдьах ыйын 1 күнүттэн пандемиянан сибээстээн үлэлэригэр хааччахтааһын киирбит куорат тэрилтэлэригэр оҥоһуллар. Компенсация ыларга нолуогу төлөөччү тус кэбиниэтин нөҥүө сайабылыанньа суруйара ирдэнэр. Тэрилтэ коронавирус инфекциятыттан сылтаан эмсэҕэлээбит дьоҕус уонна орто биисинэс эбэтэр кэмиэрсийэтэ суох тэрилтэлэр реестэрдэригэр регистрацияламмыт буолуохтаах. 
Компенсация кээмэйэ хас икки нэдиэлэ үлэлээбэккэ турбут кэмнэригэр хамнас алын кээмэйин аҥарыгар тэҥнэһэр. Хааччахтааһын уһатыллар түбэлтэтигэр грант биир хамнас алын кээмэйигэр диэри улаатар. 
Предпринимателлэргэ итинник көмөлтө көрүҥүн киллэрэргэ атырдьах ыйын саҥатыгар Арассыыйа Бэрэсидьиэнэ Владимир Путин сорудахтаабыт. Инники ити миэрэни үбүнэн хааччыйыыга 8 млрд. солк. көрүллүбүт.