26.03.2020 | 20:27

Пандемиянан ипотекага эмиэ сынньалаҥ биллэрилиннэ

Пандемиянан ипотекага эмиэ сынньалаҥ биллэрилиннэ
Ааптар: Киин Куорат
Бөлөххө киир

Ессө ааспыт нэдиэлэҕэ сорох тэрилтэлэр дьоннорун төлөммөт уоппускаҕа ыыталаабыттара. Оттон бу кэлэр нэдиэлэ өрөбүллүүр буолан хааллыбыт. Гонорарга үлэлиир, оҥорбут үлэлэрин иһин утары харчынан ылар дьоҥҥо улахан охсуулаах балаһыанньа үөскээтэ. Дьон дохуота кыччыыр, оттон ороскуота уларыйбат – куортамы, ипотеканы, коммунальнай өҥөлөрү, нолуоктары син биир төлүөххэ наада. Дьиэ ылбыт дьоҥҥо ипотекаларын кирэдьиитэ ыгар. Тэрилтэлэргэ температуралаах, ыарыы сибикитэ биллэр дьону үлэлэриттэн туоратан иһиҥ диэтилэр. Үгүс тэрилтэлэр ыраахтан үлэлээһин ньыматыгар көстүлэр. Маныаха предпринимателлэри былаас өйүөхпүт диэтэ. Оттон көннөрү үлэһит дьон тугунан быыһаныан сөбүй? “Ипотека каникула” диэн өйдөбүл былырыын киирбитэ. Дохуоттара 30 бырыһыан түспүт дьон “каникулга” барыахтарын сөп.

Ону таһынан Центробанк коронавирустаабыт дьон кирэдьииттэрин төлөбүрүн хойутаттахтарына бырыһыаны, ыстыраабы эбимэҥ диэтэ. Ипотекалаах киһи ыалдьыбыт буоллаҕына, кирэдьиитин сатаан биэрбэтэҕинэ, солуок уурбут соҕотох дьиэтин 2020 сыл балаҕан ыйыгар диэри тутан ылыллыбат диэн буолла. Холобур, ВТБ заемщикатарын өйүүр миэрэлэри ылынан эрэр. 3 ыйга диэри төлөбүрү пени аахпакка эрэ кэтэһэрин уонна пандемия кэмигэр бүлүтүөҥҥэ олорбут, дохуота кыччаабыт дьону “кирэдьиит сынньалаҥар” ыытарга бэлэмин туһунан иһитиннэрдэ. Сбербанк пандемия кэмигэр ыалдьыбыт дьоҥҥэ эрэ буолбакка, хамнастара кыччаабыт дьоҥҥо кытта чэпчэтиилэри оҥоруон сөп эбит. Бааҥҥа коронавирус кэмигэр үлэлээбэтэххитин, ыалдьан олорбуккутун, дохуоккут түспүтүн докумуонунан дакаастыахтааххыт. Онлайн-сайаапка биэриэххэ сөп.

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
Мөлүйүөҥҥэ тиийэ иликпит
Сонуннар | 21.01.2023 | 17:00
Мөлүйүөҥҥэ тиийэ иликпит
Сахастат 2022 сыл түмүгэр 2021 сыллаахха ыытыллыбыт (2020 сыллаахха ковид ыарыынан сибээстээн көспүтэ) нэһилиэнньэ биэрэпиһин барыллааһын түмүгүн таһаарбыта.  Саха сирин нэһилиэнньэтин ахсаана: 995,7 тыһ. киһи  (2022 сыл тохсунньу 1 күнүгэр 992 115 киһи этэ)
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...